Ֆիդան. «Մենք երբեք թույլ չենք տա, որ պաղեստինցիների տառապանքները շարունակվեն»

Քաղաքական14:39, 23 Հոկտեմբեր 2023

Ֆիդան. «Մենք երբեք թույլ չենք տա, որ պաղեստինցիների տառապանքները շարունակվեն»

Օրերս Թուրքիայի արտգործնախարար Հաքան Ֆիդանը Եգիպտոսում ելույթ է ունեցել «Գազայում առկա զարգացումները, Պաղեստինի հայցի ապագան և խաղաղության գործընթացը» թեմայով գումարված նախագահների ու վարչապետների գագաթնաժողովին:

Ֆիդանը հայտարարել է, որ ներկայումս վարվող քաղակաքանության արդյունքում պաղեստինա-իսրայելական հակամարտությունը չի կարող լուծվել:

Ապա հավելել է, որ Իսրայելը խախտում է մարդու իրավունքները և որ նա պետք է հարգանք ցուցաբերի Երուսաղեմում և Մեսջիդի Աքսայում գտնվող մուսուլմանական ու քրիստոնեական սրբատեղիների նկատմամբ:

Թուրքիայի արտաքին գերատեսչության ղեկավարը նշել է նաև, որ Իսրայելն իր քայլերով ոտնահարում է պաղեստինցիների իրավունքները:

«Դա անում է ահաբեկչության դեմ պայքարի շրջանակներում կամ այդ դիմակի ներքո: Մենք դրան ասում ենք՝ երբեք: Թե՛ պաղեստինցիների և թե՛ մեկ ուրիշի համար»:

Բացի այդ Ֆիդանն ընդգծել է, որ վերոհիշյալ ճգնաժամի շարունակության դեպքում կարող են գլոբալ հետևանքների ականատես լինել:

«Սակայն մենք տևական խաղաղություն ենք ուզում: Իսկական պատմական ժամանակներում ենք ապրում: Մենք երբեք թույլ չենք տալու, որ պաղեստինցիների տառապանքները շարունակվեն»:

Նա նաև հիշեցրել է խնդրի լուծման վերաբերյալ Թուրքիայի տեսակետի մասին. «Խաղաղության գործընթացը կարելի է սկսել 2 պետության ստեղծմամբ»:

Հիշեցնենք, որ Պաղեստինի Գազայի հատվածում իշխող «ՀԱՄԱՍ» խմբավորումը հոկտեմբերի 7-ին էր հարձավել Իսրայելի վրա, ինչն էլ վերաճելով լայնամասշտաբ ռազմական գործողությունների, շարունակվում է մինչ օրս:

Աղբյուր` trthaber.com