Տարածաշրջան11:20, 24 Հոկտեմբեր 2023
«3+3» ձևաչափով հաջորդ հանիպումը կկայանա Թուրքիայում
Իրանի մայրաքաղաք Թեհրանում կայացած «3+3» տարածաշրջանային խորհրդատվական հարթակի հանդիպմանը ներկա են գտնվել Իրանի, Ռուսաստանի, Հայաստանի, Թուրքիայի և Ադրբեջանի արտգործնախարարները։ Հանդիպմանը չի մասնակցել Վրաստանը և նշվել է, որ հետագա հանդիպումները բաց են Վրաստանի մասնակցության համար։
Հանդիպումից հետո հրապարակվել է համատեղ հայտարարություն, որտեղ նշվում է, որ տարածաշրջանում անվտանգության և համագործակցության մթնոլորտի բարելավման և ուժեղացման նպատակով «3+3» ձևաչափը կկրի շարունակական բնույթ։ Նշվում է, որ հաջորդ հանդիպումը տեղի կունենա Թուրքիայում, իսկ հստակ ժամկետների մասին կտեղեկացվի դիվանագիտական խողովակների միջոցով։
Մասնավորապես հայտարարվել է, որ վեճերը պետք է լուծվեն խաղաղ ճանապարհով, քաղաքական անկախության, տարածքային ամբողջականության, հաստատված սահմանների անձեռնմխելիության, սպառնալիքի կամ ուժի կիրառման կանխարգելման և մարդու իրավունքերի հարգման միջոցով։
Հատկապես շեշտվել է տնտեսական համագործակցության դրական դերը փոխադարձ վստահության ամրապնդման, ազգերի բարօրության և տարածաշրջանի կայունության ապրապնդման գործում, ինչպես նաև կարևորություն է տրվել կրթության, գիտության, զբոսաշրջության, սպորտի և մշակույթի ոլորտներում մշակութային համագործակցության և համատեղ իրականացվող ծրագրերին։
Ինչպես նաև որշում է կայացվել տարածաշրջանի կայուն խաղաղության և տնտեսական զարգացման ապահովման համար ամրապնդել եկկողմ և բազմակողմ խորհրդատվություններն ու փոխգործակցությունները։
Բացի վերոնշյալ թեմաներից հանդիպան ընթացքում կողմերն անդրադարձել են Գազայի հատվածում տիրող իրավիճակին և շեշտել, որ անհապաղ խպետք է դադարեցվեն անմեղ քաղաքացիների թիրախավորումը։
Այս ենթաբաժնի վերջին նորությունները
Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։
Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն:
Աբբաս Արաղչին հեռախոսազրույց է ունեցել Հաքան Ֆիդանի հետ։ Կողմերն անդրադարձել են Թուրքիայի ներքաղաքական իրավիճակին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Նման լուրեր տարածվել են նաև քրդերեն հրապարակվող որոշ լրատվականներում, ինչպես նաև արաբական մեդիայում:
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Թուրքիայի գանձապետարանի և ֆինանսների նախարարը նշել է, որ Թուրքիան պատրաստ է ԵՄ-ի հետ ավելի ամուր համագործակցության։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |