Տարածաշրջան16:07, 31 Հոկտեմբեր 2023
Ըստ Վրաստանի վարչապետի՝ Թուրքիան տարածաշրջանի հիմնական խաղացողներից մեկն է
Վրաստանի վարչապետ Իրաքլի Ղարիբաշվիլին շնորհավորել է Թուրքիայի նախագահ Ռեջեփ Թայիփ Էրդողանին Թուրքիայի Հանրապետության 100-ամյակի կապակցությամբ։ Ղարիբաշվիլին իր տիկնոջ հետ ներկա է գտնվել Թուրքիայի Հանրապետության հիմնադրման 100-ամյակին նվիրված արարողությանը, որը կազմակերպվել էր Վրաստանի թուրքական դեսպանատանը։
Շնորհավորական ուղերձում նշվում է, որ Թուրքիան և Վրաստանն ունեն ամուր կապեր։
«Վրաստանը և Թուրքիան կապող դեր են խաղում Եվրոպայի և Ասիայի միջև։ Այնպիսի ոլորտներ, ինչպիսիք են տրանսպորտը և էներգետիկան, կմնան շարժիչ ուժ Միջին միջանցքով մեր երկրների միջև հարաբերությունների խորացման համար։ Ուրախ եմ, որ մեր երկրները հավատարիմ են տարածաշրջանային էներգետիկ և ենթակառուցվածքային նախագծերի իրականացմանը, ներառյալ Բաքու-Թբիլիսի-Ջեյհան և Բաքու-Թբիլիսի-Էրզրում նախագծերը, ինչպես նաև Բաքու-Թբիլիսի-Կարս երկաթուղին:
Հավասարապես կարևոր է նշել, որ մեր համագործակցությունն անգնահատելի է ոչ միայն փոխադարձ տնտեսական ձեռքբերումների, այլ նաև մեր տարածաշրջանում խաղաղության, կայունության և բարգավաճման ապահովման համար՝ հատկապես հաշվի առնելով անվտանգության ներկայիս տագնապալի իրավիճակը ինչպես տարածաշրջանում, այնպես էլ ողջ աշխարհում»,- նշել է Ղարիբաշվիլին։
Նրա խոսքով՝ 100 տարվա ընթացքում Թուրքիան դարձել է հիմնական քաղաքական և տնտեսական խաղացողներից մեկը ինչպես տարածաշրջանում, այնպես էլ համաշխարհային մակարդակում։
Այս ենթաբաժնի վերջին նորությունները
Ըստ տեղեկությունների՝ բանակցությունները սկսվել են ԱՄՆ-ի միջոնորդությամբ ու խորհրդով:
Թուրքական թերթը գրում է, որ Թուրքիայում ահաբեկչական ճանաչված «Քուրդիստանի բանվորական կուսակցությունը» առաջիկայում ինքնալուծարվելու է:
Կողմերը քննարկել են Օմանում կայացած ԱՄՆ-Իրան բանակցությունները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրք քաղաքապետը հակահայկական գրառում էր արել, ինչի համար Նուրհան Չեթինքայան հանցագործության մասին հաղորդում էր տվել Ստամբուլի դատախազություն։
Այդ քայլը թուրքական մամուլում մեծ տարածում է գտել և որակվել որպես դավաճանություն Թուրքիային և Հյուսիսային Կիպրոսի ինքնահռչակ թուրքական հանրապետությանը։
Միջոցառումները ոգեշնչված են Դինքի 1996-ին «Ակօս»-ում հրապարակված «23,5 ապրիլ» հոդվածից։
Օքթայ Սարալը Հայկո Ջեփքինին որակել է որպես երաժիշտի նմանակ, իսկ նրա արվեստը՝ անորոշ:
Ըստ տեղեկությունների՝ բանակցությունները սկսվել են ԱՄՆ-ի միջոնորդությամբ ու խորհրդով:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |