Քաղաքական11:28, 10 Նոյեմբեր 2023
Էրդողան․ «Ոչ մի ուժ չի կարող խանգարել Թուրքիայի վերելքին և մեր ազգին՝ հասնելու իր դարավոր նպատակներին»
Նոյեմբերի 10-ին լրանում է Թուրքիայի Հանրապետության հիմնադիր Մուստաֆա Քեմալ Աթաթուրքի մահվան 85-րդ տարելիցը:
Այդ նպատակով, ինչպես ամեն տարի, 2023-ին ևս Աթաթուրքի հիշատակին նվիրված պետական միջոցառում է կազմակերպվել Թուրքիայում:
Թուրքիայի նախագահ Ռեջեփ Թայիփ Էրդողանի գլխավորությամբ քայլերթ է իրականացվել դեպի մայրքաղաքաք Անկարայում գտնվող Աթաթուրքի դամբարան (Anıtkabir):
Քայլերթի մասնակիցների թվում են եղել Թուրքիայի խորհրդարանի նախագահ Նուման Քուրթուլմուշը, նախագահականի անդամներ, երկրում գլխավոր ընդդիմադիր ուժ համարվող «Ժողովրդահանրապետական» կուցակցության (ԺՀԿ-CHP) նորընտիր նախագահ Օզգյուր Օզելը, «Ազգայնական շարժում» (ԱՇԿ-MHP) կուսակցություն նախագահ Դևլեթ Բահչելին, «Լավ» կուսակցության (İYİ) նախագահ Մերալ Աքշեները, բարձրագույն դատական ատյանների ղեկավար անձնակազմը, Թուրքիայի զինված ուժերի հրամանատարությունը և մի շարք այլ կուսակցությունների ներկայացուցիչներ ու անհատներ:
Էրդողանը Anıtkabir-ում առկա գրանցումների հատուկ մատյանում գրել է.
«Ոչ մի ուժ չի կարող խանգարել Թուրքիայի վերելքին, թուրքական դարի կերտմանը և մեր ազգին՝ հասնելու իր դարավոր նպատակներին։ Թո՛ղ Ձեր հոգին Հանգչի խաղաղությամբ»:
Ի նշան հարգանքի Թուրքիայում հանրապետության դրոշները կիսով չափ իջեցվել են:
Նշենք, որ հիշատակի արարողություն է իրականացվել նաև Հյուսիսային Կիպրոսի ինքնահռչակ թուրքական հանրապետության (ՀԿԹՀ) ներկայացուցչությունում:
Այս ենթաբաժնի վերջին նորությունները
Թուրքական «HSB» հետազոտական ընկերությունը հրապարակել է նախագահական ընտրությունների թեմայով 2025-ի առաջին սոցհարցման արդյունքները:
Հորդանանը և Արաբական Միացյալ Էմիրությունները նույնպես ծրագրում են օգնել Սիրիային։
Թուրքիայի արտգործնախարարը լրատվամիջոցների ներկայացուցիչների հետ հանդիպմանն անդրադարձել է հայ-ադրբեջանական բանակցային գործընթացին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարարը լրատվամիջոցների ներկայացուցիչների հետ հանդիպմանն անդրադարձել է հայ-ադրբեջանական բանակցային գործընթացին:
Վեջին օրերին հայ-ադրբեջանական հարաբերությունների կարգավորման գործըթնացն ու Ալիևի՝ Հայաստանի նկատմամբ սպառնալից հայտարարությունները միջազգային մամուլի գլխագրերում են:
Կողմերի օրակարգում է եղել երկկողմ հարաբերությունները, ինչպես նաև տարածաշրջանային և համաշխարհային զարգացումները:
Թուրքիայի նախագահ Ռեջեփ Թայիփ Էրդողանը անդրադարձել հեռահար հրթիռների արտադրության ծրագրին:
Հիմնականում թյուրքախոսներով բնակեցված Իրանի Թավրիզ քաղաքում վերջին շրջանում նկատվել են թուրքամետ պաստառներ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |