Էրդողանը արաբական երկրների ղեկավարների հետ քննարկել է Գազայի իրավիճակը

Քաղաքական09:59, 13 Նոյեմբեր 2023

Էրդողանը արաբական երկրների ղեկավարների հետ քննարկել է Գազայի իրավիճակը

Թուրքիայի նախագահականի հանրային կապերի վարչության տարածած հաղորդագրության համաձայն՝ հոկտեմբերի 11-ին նախագահ Ռեջեփ Թայիփ Էրդողանը Սաուդիան Արաբիայի մայրաքաղաք Ռիյադում հանդիպել է Ինդոնեզիայի նախագահ Ջոկո Վիդոդոյի հետ:

Էրդողանը Ռիյադ էր այցելել՝ մասնակցելու այնտեղ գումարվելիք «Իսլամական համագործակցության կազմակերպության» և «Արաբական լիգայի» համատեղ հրատապ գագաթնաժողովին:

Նշվում է, որ երկկողմ հանդիպման օրակարգում եղել է Գազայի հատվածում տիրող իրավիճակը, ինչի շրջանակներում էլ Էրդողանն ընդգծել է Իսրայելի կողմից քաղաքացիական անձանց և ենթակառուցվածքների թիրախավորման անընդունելիությունը:

Նա նաև շեշտել է, որ իսլամական երկրները խաղաղություն հաստատելու համար պիտի միասնական քայլեր ձեռնարկեն:

Էրդողանը նաև հանդիպել է Եգիպտոսի նախագահ Աբդել Ֆաթթահ Ալ-Սիսիի հետ։ Կողմերի քննարկումների գլխավոր թեման եղել է Գազայում տիրող իրավիճակը: Այս անգամ Էրդողանը շեշտել է Իսրայելին դատապարտելու անհրաժեշտությունը՝ միջազգայնորեն ճանաչված մարդու իրավունքների խախտման տեսանկյունից:

Թուրքիայի նախագահը հայտնել է նաև իր պատրաստակամությունը՝ համագործակցելու մարդասիրական օգնություն Գազա ուղարկելու առումով:

Երկկողմ հանդիպում է տեղի ունեցել նաև Սաուդիան Արաբիայի թագաժառանգ Մոհամեդ Բին Սալմանի և Էրդողանի միջև: Ինչպես նախորդ հանդիպումների ընթացքում, այնպես էլ այս հանդիպմանը ևս օրակարգում եղել Գազայի շուրջ տիրող իրավիճակը:

Էրդողանը, նշելով, որ Գազայի հատվածում Իսրայելի կողմից իրականացվող գործողությունները ցեղասպանական են, շեշտել է հարձակումներին և ցեղասպանությանը վերջ տալու, ինչպես նաև հրադադար հաստատելու անհրաժեշտությունը: Քննարկվել են այդ համատեքստում կատարվելիք քայլերը:

Հիշեցնենք, որ պաղեստինա-իսրայելական հակամարտության վերջին սրացումները, որոնք վերաճել են ռազմական բախումների և շարունակվում են մինչ օրս, սկսվել են հոկտեմբերի 7-ին՝ Գազայի հատվածում իշխող «ՀԱՄԱՍ» խմբավորման կողմից Իսրայելի վրա իրականացված հարձակմամբ:

Աղբյուր` aa.com.tr

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։