Թուրքիայի ԱԳՆ. «Իսրայելցի պաշտոնյաներն օրենքից խոսելու իրավունք չունեն»

Քաղաքական10:51, 16 Նոյեմբեր 2023

Թուրքիայի ԱԳՆ. «Իսրայելցի պաշտոնյաներն օրենքից խոսելու իրավունք չունեն»

Նոյեմբերի 15-ին Թուրքիայի արտաքին քաղաքական գերատեսչությունն արձագանքել է Իսրայելի վարչապետ Բենյամին Նեթանյահուի և արտգործնախարար Էլի Ջոհենի՝ Թուրքիայի նախագահ Ռեջեփ Թայիփ Էրդողանի հասցեին արված խոսքերին:

Մասնավորապես նշվել է, որ իսրայելցի պաշտոնյաները, ովքեր պատմության մեջ մտել են Պաղեստինի ժողովրդին հալածելով և կոտորելով, չեն կարող խոսել օրենքից:

Բացի այդ, Նեթանյահուի և Ջոհենի խոսքերը որակվել են անհիմն:

«Իրականությունն արտահայտող խոսքերից անհանգստացած Բենյամին Նեթանյահուի և Էլի Ջոհենի անհիմն զրպարտանքները, որոնք ուղղվել են նախագահին, չեն կարող կոծկել իրենց մեղքերը»,- ասվել է Թուրքիայի ԱԳՆ-ի հայտարարության մեջ:

Նշվել է նաև, որ Թուրքիան շարունակում դեմ լինել Պաղեստինի Գազայի հատվածում Իսրայելի կողմից իրականացվող, իրենց որակմամբ՝ ցեղասպանությանը և շարունակելու է աջակցել Պաղեստինի ժողովրդին:

Հիշեցնենք, որ նոյեմբերի 15-ին Էրդողանը «Արդարություն և զարգացում» կուսակցության (ԱԶԿ-AKP) խորհրդարանական խմբակցության հետ հանդիպման ժամանակ անդրադառնալով Պաղեստինի Գազայի հատվածում տիրող իրավիճակին՝ ասել էր.

«Իսրայելի իշխանությունները Գազայում բնակվող երեխաների, կանանց և քաղաքացիական բնակչության դեմ մարդկության պատմության ամենանենգ հարձակումներն է իրականացնում: «ՀԱՄԱՍ»-ին (Գազայի հատվածում իշխող խմբավորում) անվանում ես ահաբեկչական կազմակերպություն: «ՀԱՄԱՍ»-ը ընտրություններին մասնակցած և հաղթած քաղաքական կուսակցություն է: Հաղթելուց հետո դուք խլեցիք նրանց իրավունքները»:

Ինչին էլ Նեթանյահուն պատասխանել էր հետևայլ կերպ.

«Ահաբկեչությանն աջակցող ուժեր կան, նրանցից մեկն էլ Թուրքիայի նախագահ Էրդողանն է: Էրդողանն Իսրայելին ահաբեկչական կազմակերպություն է անվանում, իսկ «ՀԱՄԱՍ»-ի ահաբեկչական գործողություններին աջակցում: Նա ռմբակոծել է Թուրքիայում իսկ գտնվող իրենց գյուղերը: Մենք չենք պատրաստվում դասեր քաղել նրանից»:

Աղբյուր` trthaber.com