Քաղաքական13:03, 17 Նոյեմբեր 2023
Թուրքիան հետամուտ է ամերիկյան F-16 կործանիչների ձեռքբերմանը
Թուրքիայի խորհրդարանի արտաքին հարաբերությունների հանձնաժողովը քննարկել է ՆԱՏՕ-ին Շվեդիայի անդամակցության հարցը, որը դիտվում է դաշինքի վերջնական ընդլայնման քայլ։
Աղբյուրը նշում է, որ 2022-ին Մադրիդում կայացած ՆԱՏՕ-ի գագաթնաժողովի ընթացքում Թուրքիան, Շվեդիան և Ֆինլանդիան զենքի էմբարգոյի վերացման և երկու երկրների կողմից «ահաբեկչական» կազմակերպություններ որակվող «Քուրդիստանի բանվորական կուսակցության» (ՔԲԿ-PKK) և 2016-ին Թուրքիայում հեղաշրջման փորձ կատարելու մեջ մեղադրվող Գյուլենական շարժման անդամների նկատմամբ նախազգուշական միջոցներ ձեռնարկելու պայմանագիր է կնքել։
Ստոկհոլմն անցյալ տարի հանել էր ռազմական տեխնիկա Թուրքիա արտահանելու արգելքը։ Իսկ Շվեդիան հունիսին հայտարարել էր, որ պայմանագրի իր մասնաբաժինը կատարել է։ Ընդունել էր հակաահաբեկչական օրինագիծ, որն անօրինական է դարձնում «Քուրդիստանի բանվորական կուսակցության» անդամ լինելը։
Վերջին ամիսներին Շվեդիայի գերագույն դատարանը խոչընդոտել է Անկարայում գյուլենական շարժման մասնակից երկու թուրքերի արտահանձնումը, իսկ վերաքննիչ դատարանը հաստատել է մեկ անձի դատապարտումը, ով փորձել է ֆինանսավորել Եվրամիության և ԱՄՆ-ի կողմից ևս ահաբեկչական համարվող PKK-ին։
Այս ընթացքում կարևոր հարցերի թվում է, թե արդյոք Վաշինգտոնը կհաստատի Անկարային 20 մլրդ դոլար արժողությամբ F-16 կործանիչների և 79 արդիականացման սարքավորումներ վաճառելու առաջարկը։ Հուլիսին Էրդողանի կողմից Շվեդիայի անդամակցության համար կանաչ լույս վառելուց հետո Սպիտակ տունը հայտարարեց, որ Կոնգրեսի հետ խորհրդակցելով թույլ կտա F-16 կործանիչների մատակարարումը Թուրքիա։
Էրդողանը նշել է, որ անցյալ ամիս Շվեդիայի անդամակցության հարցն ուղարկել է խորհրդարան, և նշել է, որ Վաշինգտոնը F-16 կործանիչների հարցը կապում է Շվեդիայի անդամակցության հետ։
Բայց Թուրքիան առարկությունների հանդիպեց ԱՄՆ Կոնգրեսում ՆԱՏՕ-ի ընդլայնման ձգձգման և մարդու իրավունքների հետ կապված իրավիճակի պատճառով:
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |