Թուրքիայում եղանակային վատ պայմանների պատճառով նավ է խորտակվել

Հասարակական10:58, 20 Նոյեմբեր 2023

Թուրքիայում եղանակային վատ պայմանների պատճառով նավ է խորտակվել

Թուրքիայի մի շարք նահանգներում և շրջաններում եղանակային պայմանները կտրուկ վատացել են, երկրում անդադար տեղացող անձրևների հետևանքով ջրհեղեղներ են:

Նոյեմբերի 19-ին Թուրքիայում տիրող վատ եղանակային պայմանների և դրա հետևանքների վերաբերյալ խոսել է Թուրքիայի ներքին գործերի նախարար Ալի Յերլիքայան:

Նշելով, որ հորդահոս անձրևներից գոյացած ջրհեղեղների պատճառով Թուրքիայի հարավ-արևելքում գտնվող Դիարբեքիրի և Բաթմանի շրջաններում 2 անձ մահացել է, իսկ 50-ը՝ վիրավորվել, նաև հայտնել է թուրքական նավ է խորտակվել:

Ժայռաբեկորին հարվածելու հետևանքով Թուրքիայի հյուսային հատվածում գտնվող Զոնգուլդաք նահանգի մոտակայքում խորտակվել է «Kafkametler» անունով բեռնատար նավը, իսկ նավի 12 հոգանոց անձնակազմը համարվում է անհետ կորած:

Նախարարը շեշտել է, որ վատ եղանակային պայմանների պատճառով հնարավոր չէ նույնիսկ փրկարարական աշխատանքներ իրականցվել:

«Եղանակային պայմանների կարգավորման պարագայում որոնողափրկարարական աշխատանքներն իսկույն կմեկնարկեն»,- ասել է Յերլիքայան։

Աղբյուր` Artigercek.com

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։