Ստամբուլում կայացել է թուրք և ռուս փորձագետների քննարկում

Հասարակական16:59, 21 Նոյեմբեր 2023

Ստամբուլում կայացել է թուրք և ռուս փորձագետների քննարկում

Ստամբուլում Սանկտ Պետերբուրգի միջազգային տնտեսական ֆորումի հովանու ներքո տեղի է ունեցել միջոցառում-քննարկում՝ «Ռոսկոնգրես» հիմնադրամի, պետական մարմինների, մասնագիտացված ասոցիացիաների և բիզնեսի ներկայացուցիչների մասնակցությամբ։

Միջոցառումը կրել է «Ռուսաստանի և Թուրքիայի միջև գործարար համագործակցության խոստումնալից ուղիների ընդլայնում» խորագիրը:

Փորձագետները քննարկել են համաշխարհային փոփոխությունների ֆոնին Ռուսաստանի և Թուրքիայի շուկաների միջև համագործակցության ընդլայնման միտումը։ Մասնակիցները քննարկել են ռիսկերը նվազեցնելու տարբերակները։

Միջոցառմանը մասնակցել են նաև մի շարք պաշտոնյաներ, այդ թվում Ստամբուլում Ռուսաստանի գլխավոր հյուպատոս Անդրեյ Բուրավով։

«Թուրքիան և Ռուսաստանը շարունակում են զարգացնել դիվանագիտական և տնտեսական հարաբերությունները՝ բարձր ռազմավարական ներուժով։ Մեր երկրները համագործակցության բազմամյա փորձ ունեն էներգետիկայի և ենթակառուցվածքների ոլորտում, և համատեղ հաջողված նախագծերի իրականացման գործում։ Փոխգործակցության ուղիների ընդլայնումը դրական է ազդում ոչ միայն միջպետական հարաբերությունների վրա, այլ նաև հնարավորություն է տալիս փոխշահավետ ներդրումների և բիզնեսի հաջող զարգացման համար»,- ընդգծել է գլխավոր հյուպատոս Բուրավովը։

Սանկտ Պետերբուրգի միջազգային տնտեսական համաժողովը կանցկացվի 2024 թվականի հունիսի 5-ից 8-ն ընկած ժամանակահատվածում։

Աղբյուր` Ermenihaber.am

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։