Հասարակական15:42, 27 Նոյեմբեր 2023
Էրդողան․ Թուրքիայի 100-ամյակը կանանց դարն է լինելու
Թուրքիայի նախագահ Ռեջեփ Թայիփ Էրդողանը հայտնել է, որ իրենց պետության հիմնական քաղաքականությունը դարձրել է կանանց նկատմամբ բռնության դեմ պայքարը և պնդել, թե որոշները փորձում են ստվերել և մոռացության մատնել կանանց համար իրենց կատարած ծառայությունները։
Այս թեմային Էրդողանն անդրադարձել է Հալիչի համալսարանում անցկացված «Կանանց նկատմամբ բռնության վերացման միջազգային օրվան» նվիրված միջոցառման ժամանակ։
Էրդողանը նշել է, որ իրենք 4 միլիոնից ավելի մարդկանց, այդ թվում՝ պետպաշտոնյաների և քաղաքացիների համար կազմակերպած դասընթացներով և սեմինարներով ստեղծել են «Զրո հանդուրժողականություն՝ ընդդեմ կանանց նկատմամբ բռնության»։ Նրա պնդմամբ՝ իրենց աշխատանքն անդադար շարունակվում է հանուն բռնությունից զերծ «Թուրքիայի դարաշրջանի» համար։
Միջանկյալ նշենք, որ Էրդողանն այս տարի վերընտրվելուց հետո երդմնակալության արարողության ժամանակ ազդարարել էր Թուրքիայի «նոր դարաշրջանի» մեկնարկը։ Այս հայեցակարգով էրդողանական Թուրքիան փորձում է տարբերվել քեմալական Թուրքիայից և նպատակ ունի շրջադարձային փոփոխություններ կատարել, ստեղծել առաջնահերթություններ, այդ թվում՝ գնալ սահմանադրական բեկումնային փոփոխությունների և հասնել իսլամի գերակայությանը։
Էրդողանը հայտնել է, որ իր քաղաքական գործունեության տարբեր փուլերում ստացել է կանանց աջակցությունն ու օրհնանքը, այնուհետև նշել․ «Ինչ պայքար էլ որ ձեռնարկել ենք ի շահ մեր երկրի ու ազգի, մենք միշտ ստացել ենք կանանց աջակցությունը։ Ձեր՝ կանանց աջակցությամբ, մենք հետ մղեցինք մեր կյանքին սպառնացող դավաճանական հարձակումները»։
Անդրադառնալով իր և իր քաղաքական թիմի համար սինդրոմ դարձած ներքաղաքական ճգնաժամերից 2015-ի հուլիսյան ռազմական հեղաշրջման փորձին՝ ընդգծել է այն հաղթահարելու հարցում կանանց ունեցած դերը։
«Ինչպես գիտեք, կանայք եղել են առաջնագծում, ովքեր իրենց կյանքի գնով դիմադրել են հեղաշրջման կազմակերպիչներին, ովքեր մարտահրավեր են նետել տանկերին, ինքնաթիռներին և մահաբեր զենքերին հուլիսի 15-ի զազրելի հեղաշրջման փորձի ժամանակ։ Բացի այդ, կրկին կանայք էին, որ թուրքական ժողովրդավարությունը դուրս բերեցին փետրվարի 28-ի խավարից (ռազմական միջամտություն-խմբ․)։ Հիմա էլ նրանք 2023 թվականի նպատակները և «Թուրքիայի դարաշրջանն» են դուրս բերում խավարից:
Հարկ է նշել, որ մինչ Թուրքիայի նախագահը խոսում է կանանց իրավունքների, նրանց դերի կարևորության, ինչպես նաև թուրքական «ժողովրդավարության» մասին, այդ երկրում օրեցօր ավելանում են կանանց իրավունքների ոտնահարման, նրանց նկատմամբ ֆիզիկական ու սեռական բռնության և սպանության դեպքերը։ Որպես ապացույց կարելի է նշել այն փաստը, որ վերջին 10 ամսում ոչ պաշտոնական տվյալներով Թուրքիայում տղամարդկանց կողմից սպանվել է 350 կին:
Այս ենթաբաժնի վերջին նորությունները
Ըստ ՀԹԿՀ-ի փոխվարչապետի՝ տաքսի ուղղաթիռի ծառայությունն իրականացվում է երկու երկրների միջև փոխադրումները հեշտացնելու համար։
Աշխատաժողովի նպատակն է ամրապնդել թուրքալեզու պետությունների հասարակական կառույցների փոխգործակցությունը։
Թուրքիայի տրանսպորտի և ենթակառուցվածքների նախարարը և նշել, որ այդ որոշումը չափազանց կարևոր է անպարկեշտ տեսանյութերի տարածման ռիսկերը նվազեցնելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ռուսաստանի արտգործնախարար Սերգեյ Լավրովը ապրիլի 12-ին կմեկնի Թուրքիա՝ մասնակցելու դիվանագիտական ֆորումին։
Նախորդ տարվա նույն ժամանակահատվածի համեմատ Հայաստան կատարված արտահանման ծավալները նվազել են 14.4%-ով:
Թուրքիայի «Մարմարա քրեակատարողական հիմնարկների համալիրը» կազմված է 9 փակ և 1 բաց ռեժիմի բանտերից։
Ադրբեջանի նախագահ. «Մեր քաղաքականությունը հստակ է։ Մենք միշտ եղբայրական ժողովրդի կողքին ենք եղել և այդպես էլ շարունակելու ենք»:
ԱՄՆ-ն ժամանակին Թուրքիային դուրս էր թողել այդ կործանիչների արտադրության համատեղ ծրագրից, քանի որ Անկարան Ռուսաստանից գնել էր ռուսական S-400 ՀՕՊ համակարգեր:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |