Թուրքիայում ընտանեկան և երիտասարդական ֆոնդ է ստեղծվել

Հասարակական10:52, 29 Նոյեմբեր 2023

Թուրքիայում ընտանեկան և երիտասարդական ֆոնդ է ստեղծվել

Նոյեմբերի 29-ին Թուրքիայի «Resmi Gazete» պաշտոնաթերթում հրապարակվել է ընտանեկան և երիտասարդական ֆոնդի ստեղծման մասին լուրը:

Ֆոնդի միջոցներն ուղղվելու են նորաստեղծ ընտանիքներին աջակցություն ցուցաբերելուն՝ վարկավորման շահավետ պայմաններով:

Մասնավորպես նշվում է, որ ծրագրի շրջանակներում տրամադրվելու է 4 տարի մարման ժամկետով 150.000 լիրա, որի մարումները սկսվելու են տրամադրումից 2 տարի անց:

Նշվում է նաև, որ ֆոնդի փորձնական գործունեությունը մեկնարկելու է փետրվարի 6-ին տեղի ունեցած երկրաշարժից տուժած նահանգներում:

Թուրքիայի գանձապետարանի և ֆինանսների փոխնախարարի գլխավորած Ֆոնդի գլխավոր խորհուրդը բաղկացած է լինելու 5 անձից: Մնացյալ չորսի մեջ են ընտանեկան և սոցիալական ծառայությունների, երիտասարդության և սպորտի, էներգետիկայի և բնական պաշարների, ինչպես նաև արդյունաբերության և տեխնոլոգիաների փոխնախարարները:

Աղբյուր` ntv.com.tr

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։