Թուրքական ընկերությունների ռազմական արտադրանքի վաճառքի ծավալներն աճել են

Ռազմական17:01, 04 Դեկտեմբեր 2023

Թուրքական ընկերությունների ռազմական արտադրանքի վաճառքի ծավալներն աճել են

Ստոքհոլմի խաղաղության միջազգային հետազոտական ինստիտուտը (SIPRI) հրապարակել է 2022-ին ամենից շատ զենք-զինամթերքի վաճառած 100 ռազմարդյունաբերական ընկերության անուն։

Նշվում է, որ 2021-ի համեմատ վաճառքի ընդհանուր ծավալները 3.5 տոկոսով նվազել են՝ վերջին 7 տարվա ընթացքում գրանցելով առաջին նվազման ցուցանիշը:

Վերոհիշյալ 100 ընկերության մեջ տեղ է գտել նաև թուրքական 4 ռազմարդյունաբերական ընկերություն՝ «ASELSAN»-ը 60-րդ, «Baykar»-ը 76-րդ, «Türk Havacılık Uzay Sanayii»-ն 82-րդ և «Roketsan»-ը 100-րդ տեղում:

Ի տարբերություն ընդհանուր ցուցանիշների նվազմանը՝ թուրքական ընկերությունների ռազմական արտադրանքի վաճառքի ծավալներն ընդհանուր առմամբ աճել են 22 տոկոսով և հասել 5.5 մլրդ դոլարի:

Թուրքական ռազմարդյունաբերական ընկերությունների շարքում ուշադրություն է հրավիրվում Թուրքիայի նախագահ Ռեջեփ Թայիփ Էրդողանի փեսային՝ Սելջուք Բայրաքթարին պատկանող «Baykar» ընկերության գրանցած ցուցանիշների վրա: Վերջինիս եկամուտները որոնք 2021-ի համեմատ աճել են 94 տոկոսով:

Աղբյուր` trthaber.com

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: