Տնտեսական14:59, 19 Դեկտեմբեր 2023
Թուրքիան վերականգնվող էներգիայի շնորհիվ խնայել է ավելի քան 68 մլն դոլար
Թուրքիայի արևելյան հատվածում գտնվող Բինգյոլի նահանգում (պատմական Բյուրակն-խմբ.) գտնվող «Aşağı Kaleköy»-ի հիբրիդային էլեկտրակայանը ռեկորդային ցուցանիշ է գրանցել:
Մասնավորապես նշվում է, որ էլեկտրակայանը կարողացել է ներքին պահանջարկի սպառումն ապահովել այնպես, որ դեկտեմբերի 19-ի դրությամբ կրճատվել է շուրջ 20 մլրդ լիրա (թուրքական դրամական արժույթ) (ավելի քան 68 մլն դոլար) ընդհանուր արժողությամբ բնական գազի ներմուծում:
Թուրքական պետական և ոչ պետական լրատվական կայքերը և գործակալությունները գրում են, որ նմանատիպ կառույցների կառուցումն ու գործարկումն ապագայում ևս մեծ նշանակություն կարող են ունենալ:
Էլեկտրական սարքավորումների և կայանների գծով թուրքական խորհրդատվական «Kalehan Enerji» ընկերության տնօրեն Գյուլթեքին Քելեշն անդրադարձել է Բինգյոլում գտնվող էլեկտարակայանին և դրա ունեցած կարևորությանը:
Նա, ընդգծելով, որ հիշյալ էլեկտրակայանը Բինգյոլում կատարված ամենախոշոր ներդրումներից մեկն է, նշել է, որ այն կարողանում է էլեկտրաէներգիա ստանալ թե՛ արևից և թե՛ ջրից:
Ապա հավելել, որ երկու տարբեր վերականգնողական էներգիայի աղբյուրներից էլեկտրաէնեգրիա ստանալու շնորհիվ է կայանը կոչվել հիբրիդային:
Նշենք, որ էլեկրտակայանը գործարկվել է 2020-ին: Այն իր տարածում ունի բավականին մեծ ջրամբար, ինչպես նաև 200.000-ի հասնող արևային կայաններ, որոնք հերթականությամբ շարված են 1 մլն մետր քառակուսի մեծության հասնող տարածքի վրա:
Այն նաև հանդիսանում է Թուրքիայի առաջին, իսկ Եվրոպայի ամենամեծ հիբրիդային էլեկտրակայանը:
Այս ենթաբաժնի վերջին նորությունները
Նշված ժամանակահատվածում Թուրքիան 178 երկիր է արտահանել 138 մլն 640 հազար քմ գորգ։
Օմեր Բոլաթը կհանդիպի Սիրիայի բարձրաստիճան պաշտոնյաների հետ և կքննարկի երկու երկրների տնտեսական ու առևտրային հարաբերությունները։
Ամենախոշոր ներդրումներն արվել են Նիդերլանդների, ԱՄՆ-ի, Շվեյցարիայի, Մեծ Բրիտանիայի և Ադրբեջանի կողմից:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |