Քաղաքական11:37, 20 Դեկտեմբեր 2023
Թուրքիայի փոխնախագահը մեկնել է Ադրբեջան
Դեկտեմբերի 19-ին Թուրքիայի փոխնախագահ Ջևդեթ Յըլմազն մեկնել է Բաքու, որտեղ մասնակցել է «Թուրքիայի հարյուրամյակի համագործակցության և համերաշխության հարթակի» կողմից կազմակերպված «Գործարար աշխարհի հանդիպում» ծրագրին։
Ծրագրի շրջանակում ունեցած ելույթում նա, ուշադրություն հրավիրելով երկկողմ բարձր մակարդակի այցերի հաճախակիությանը, նշել է, որ 2023-ին 3 անգամ հանդիպել են երկու երկրների նախագահները։
Ինչպես նաև, որ դեկտեմբերի 10-ից 17-ն ընկած ժամանակահատվածում Բաքու է այցելել Թուրքիայի արտգործնախարար Հաքան Ֆիդանը, իսկ դեկտեմբերի 20-ին այցելելու է նաև առևտրի նախարար Օմեր Բոլաթը։
Յըլմազն ընդգծել է նաև Ադրբեջանը և Թուրքիան սերտորեն աշխատում են երկկողմ հարաբերությունները բոլոր ոլորտներում խորացնելու ուղղությամբ։
Այդ համատեքստում Թուրքիայի փոխնախագահը ներկայացրել է Թուրքիայի և Ադրբեջանի միջև 2022-ի առևտրաշրջանառության ծավալները։
Ըստ այդմ՝ 2022 թ․-ին այն կազմել է 6,5 մլրդ դոլար, իսկ 2023-ի առաջին 11 ամսվա ընթացքում՝ 6,7 մլրդ դոլար։
«Երկու երկրների նախագահները որպես թիրախ սահմանել են 15 մլրդ դոլարը»,-ասել է նա։
Թուրքիայի փոխնախագահը կարևորել է նաև «Թյուրքական պետությունների կազմակերպության» (TDT) կողմից Թյուրքական ներդրումային ֆոնդի ստեղծումը։
Յըլմազը նաև անդրադարձել է տարածաշրջանային իրավիճակին հիշեցնելով 44 օրյա պատերազմի և դրանից հետո ստեղծված իրավիճակի մասին։
«Քանի դեռ արտատարածաշրջանային մի շարք տարբեր նպատակներով միջամտություններ չեն եղել, քանի դեռ այս տարածաշրջանում գտնվող երկրները զարգացրել են իրենց համագործակցությունը՝ գերիշխող դարձնելով խաղաղությունը, անդորրը, դա լինելու է տարածաշրջանում բոլորի օգտին։ Դա նշանակում է բոլորի համար բարօրություն, բոլորի համար զարգացում։ Կովկասում առաջիկա տարիներին ոչ թե պատերազմներից, բախումներից այլ նախագծերից, բարօրությունից, առևտրից, զարգացումից ենք ավելի շատ խոսելու և դրանից էլ տարածաշրջանում բոլորն օգտվելու են»,-նշել է նա։
Նշենք նաև, որ Ադրբեջան կատարած այցի շրջանակում Յըլմազը հանդիպելու է Ադրբեջանի նախագահ Իլհամ Ալիևին, վարչապետ Ալի Ասադովին և խորհրդարանի նախագահ Սահիբա Գաֆարովային։
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |