Թուրքիան մտադիր է գնել Չինաստանի և Պակիստանի համատեղ արտադրած կործանիչները

Ռազմական15:16, 21 Դեկտեմբեր 2023

Թուրքիան մտադիր է գնել Չինաստանի և Պակիստանի համատեղ արտադրած կործանիչները

Բուլղարիայում գործող «bulgarianmilitary.com» և միջազգային ռազմական նորություններ հրապարկող լրատվական կայքը հոդված է հրապարակել Թուրքիայի կողմից ամերիկյան և եվրոպական արտադրության կործանիչների գնման ցանկությունից հրաժարվելու մասին:

Հոդվածում հնարավոր է համարվել այն, որ Թուրքիան հրաժարվի «F-16» և «Eurofighter Typhoon» կործանիչների ձեռքբերման իր մտադրությունից՝ դրանց փոխարեն նախընտրելով Չինաստանի և Պակիստանի համատեղ արտադրության «JF-17 Thunder» կործանիչները:

«Թուրքիայի և ԱՄՆ-ի հարաբերություններում տևական ժամանակ է, ինչ վայրիվերումներ են և այդ իրավիճակը հանգեցրել է անհամաձայնության Թուրքիայի՝ ԱՄՆ-ից գնում կատարելու նպատակների հարցում: Եվ որպես արդյունք Թուրքիան ցանկացել է «Typhoon» կործանիչներին հասնելու համար դաշինքներ ստեղծել, որն էլ սակայն բախվել է Գերմանիայի արգելանքին»,- նշվում է հոդվածում:

Այնուհետև նշվում է, որ տարածվում են լուրեր, թե Թուրքիան մտածում է արդեն ձեռք բերել «JF-17 Thunder» կործանիչները:

Հիշեցնենք, որ ելնելով F-16-երի տրամադրման հարցում փակուղային իրավիճակից՝ Թուրքիայի պաշտպանության նախարար Յաշար Գյուլերը նոյեմբերին հայտարարել էր, որ Թուրքիան մտադիր է գնել Իսպանիայի, Գերմանիայի և Մեծ Բրիտանիայի համատեղ արտադրության «Eurofighter Typhoon» կործանիչները:

Նա նաև ընդգծել էր, որ ի տարբերություն Գերմանիայի՝ Իսպանիան և Մեծ Բրիտանիան արդեն տվել են իրենց համաձայնությունը:

Աղբյուր` star.com.tr

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: