Թուրքիայի արտաքին պարտքը ռեկորդային չափի է հասել

12:10, 04 Հունվար 2024

Թուրքիայի արտաքին պարտքը ռեկորդային չափի է հասել

Թուրքիայի գանձապետարանի և ֆինանսների նախարարությունը հայտնել է, որ Թուրքիայի համախառն արտաքին պարտքը կազմել է 482․6 մլրդ դոլար, իսկ զուտ արտաքին պարտքը՝ 263․7 մլրդ դոլար։ Թուրքիայի լրատվամիջոցները պարտքի այսպիսի չափը համարում են ռեկորդային։

Հայտնի է դարձել, որ 2023 թվականի վերջին եռամսյակում Թուրքիայի համախառն արտաքին պարտքն աճել է 6․8 մլրդ դոլարով, իսկ տարեսկզբի համեմատ ավելացել է 23․3 մլրդ դոլարով։

Արտաքին պարտքի հարաբերակցությունն ազգային եկամտի նկատմամբ կազմել է 44․9 տոկոս։ Իսկ ԵՄ-ի կողմից սահմանված Թուրքիայի ընդհանուր պետական պարտքը հաշվարկվել է 6 տրիլիոն 906 միլիարդ լիրա։ Այդ ցուցանիշի հարաբերակցությունը ազգային եկամտի նկատմամբ կազմել է 30․5 տոկոս:

Աղբյուր` sozcu.com.tr

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Կայացել է Էրդողան-Ալիև հեռախոսազրույց

Հանդիպման ընթացքում նախագահ Էրդողանը հայտարարել է, որ Թուրքիան և Ադրբեջանը կշարունակեն զարգացնել համագործակցությունը «երկու պետություն, մեկ ազգ» հայեցակարգի շրջանակներում։