Քաղաքական13:34, 05 Հունվար 2024
Չելիք․ «Գազայում տիրող իրավիճակի գլխավոր մեղավորը Նեթանյահուն է»
Թուրքիայում իշխող «Արդարություն և զարգացում» կուսակցության (ԱԶԿ-AK) խոսնակ Օմեր Չելիքը թուրքական «Habertürk»-ի ուղիղ եթերում անդրադարձել է Թուրքիայի օրակարգում գտնվող մի շարք հարցերի։
Օրակարգային հարցերից մեկը եղել է Պաղեստինի Գազայի հատվածում տիրող իրավիճակը։
Չելիքը Գազայում Իսրայելի կողմից իրականացվողն անվանել է «կոտորած», իսկ Իսրայելի վարչապետ Բենյամին Նեթանյահուի գործողությունները որակել որպես գործողություններ՝ միտված տարածաշրջանում քաղաքական հավասարակշռության փոփոխմանը։
Նա համոզմունք է հայտնել, որ Նեթանյահուն միակ մարդն է, ով ուրախ կլինի, երբ Թուրքիայի ուշադրությունը Գազայից շեղվի։
Բացի այդ, Թուրքիայում իշխող կուսակցության խոսնակը, պատասխանելով «Իսրայելում իշխանությունների հնարավոր փոփոխության պարագայում Թուրքիա-Իսրայել հարաբերությունների հետագա ընթացքն ինչպիսի՞ն կլինի» հարցին, ասել է․
«Նեթանյահուն և իր կառավարությունը գլխավոր մեղավորներն են։ Պետք չէ մոլորեցնել, մեղավորներն այստեղ հայտնի են։ Բացի այդ, մեծ թվող քաղաքական գործիչներ կան, ովքեր հրապարակել են Նեթանյահուի մենթալիտետը։ Այստեղ եղած խնդիրը հետևյալն է․ այդ ի՞նչպիսի մենթալիտետ է, որ «Նվիրական հողեր» (Աստծո կողմից շնորհված) ասելով, կարողանում է արդարացնել սպանություն կատարելը և երեխաներին սպանելը»։
Չելիքը ուշադրություն է հրավիրել նաև այն բանի վրա, որ Իսրայելի նմանատիպ գործողությունների հետևանքով 1 րոպեում 10 երեխա է սպանվում Գազայում։
Հիշեցնենք, որ Գազայի հատվածում իշխող «ՀԱՄԱՍ» խմբավորումը հոկտեմբերի 7-ին էր Իսրայելի ուղղությամբ անցել լայնամասշտաբ հարձակման։
Խմբավորումը հայտարարել էր «Ալ-Աքսա ջրվեժ» ռազմագործողության իրականացման մասին, ինչին ի պատասխան Իսրյալելը սկսել էր «Երկաթե թրեր» գործողությունը։
Նրանց միջև ռազմական գործողությունները վերածվել էին լայնամասշտաբ բախումների, որոնք էլ շարունակվում են մինչ օրս։
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |