Էրդողանը Լեռնային Ղարաբաղի օկուպացիան վերագրել է թուրք ժողովրդի շահերին

Ղարաբաղ17:30, 10 Հունվար 2024

Էրդողանը Լեռնային Ղարաբաղի օկուպացիան վերագրել է թուրք ժողովրդի շահերին

Հունվարի 10-ին Թուրքիայի նախագահ Ռեջեփ Թայիփ Էրդողանը մասնակցել է Թուրքիայի Ազգային հետախուզության կազմակերպության (MIT) հիմնադրման 97-ամյակին նվիրված միջոցառմանը։

Խոսելով դիվանագիտական և ռազմական ճակատում թուրք ժողովրդի շահերի պաշտպանության մասին՝ հիշատակել է Սիրիայում և Իրաքում թուրքական զինուժի կողմից իրականացվող ռազմական գործողությունները:

Այս համատեքստում Թուրքիայի նախագահն անդրադարձել է նաև Լեռնային Ղարաբաղի խնդրին: Նա Ադրբեջանի կողմից Արցախի գրավումը որակել է որպես «ազատագրում հայկական բռնազավթումից» և դա համարել թուրք ժողովրդի շահերի պաշտպանության հարցում իրականացված գործողություններից մեկը:

Հիշեցնենք, որ Արցախը վերջնականորեն Ադրբեջանի կողմից օկուպացվել է 2023-ի սեպտեմբերի 19-ին՝ ադրբեջանական զինված ուժերի կողմից իրականացված լայնածավալ ռազմական գործողությունների հետևանքով։ Այդ հարցում Թուրքիան բացեիբաց աջակցել է Ադրբեջանին:

Աղբյուր` ermneihaber.am

Այս ենթաբաժնի վերջին նորությունները

17:30, 10 հունվ

Էրդողանը Լեռնային Ղարաբաղի օկուպացիան վերագրել է թուրք ժողովրդի շահերին

Թուրքիայի նախագահը MIT- հիմնադրման 97-ամյակին նվիրված միջոցառմանն անդրադարձել է Լեռնային Ղարաբաղի խնդրին:

12:26, 14 դեկտ

Ալիևն ընդունել է Թուրքիայի արտգործնախարարին

Ֆիդանը հանդիպելու է նաև Ադրբեջանի արտգործնախարար Ջեյհուն Բայրամովի հետ, որից հետո կողմերը մամուլի ասուլիս կտան։

09:28, 16 նոյ

Թուրքական զորակազմը ևս 1 տարի կմնա Արցախի օկուպացված տարածքներում

Թուրքիայի խորհրդարանում ընդունվել է Աղդամի ռուս-թուրքական մշտադիտարկման կենտրոնում Թուրքիայի զինանձնակազմի ծառայության ժամկետը երկարաձգելու մասին նախագիծ: