Հազարավոր ներգաղթյալներ լքում են Թուրքիան

Հասարակական10:53, 11 Հունվար 2024

Հազարավոր ներգաղթյալներ լքում են Թուրքիան

Թուրքիայում բնակություն հաստատելու իրավունք ստացած օտարերկրացիների թիվը 2023-ին 2022-ի համեմատ նվազել է: Մեկ տարվա կտրվածքով գրանցված տարբերությունը կազմում է 247.000 մարդ:

Թուրքիայից հեռացած օտարերկրացիների թիվը ևս բավականին մեծ է, այն կազմում է 214.000:

Թուրքական մամուլում տեղ գտած տվյալների համաձայն՝ Թուրքիայում բնակության թույլտվություն ստացած օտարերկրացիների թիվը 2011-ի դրությամբ կազմում էր շուրջ 200.000:

Սակայն նույն տարում Սիրիայի ներսում սկսված ռազմական բախումների հետևանքով նրանց թիվը Թուրքիայում սկսել էր ավելանալ:

Նշվում է, որ տարեկան այդ մարդկանց թիվն ավելացել է 50.000-ով և 2016-ին կազմել 460.000:

Ապա, ավելի մեծ տեմպերով աճելով, 2017-ին կազմել 593.000, 2018-ին՝ 856.000, իսկ 2019-ին՝ 1.101.000, որն այդպիսի առաջին ցուցանիշն էր:

Սակայն 2020-ին Covid 19 համաճարակով պայմանավորված համալսարանների և դպրոցների հեռահար ուսուցման, ինչպես նաև աշխատատեղերում աշխատանքի հեռավար իրականացման պատճառով օտարերկրացիների թվում արդեն նվազման տեմպեր էին նկատվում:

Չնայած այս իրավիճակին 2021-ը եղել է Թուրքիայում ամենից շատ բնակության թույլտվություն տրամադրելու տարի: Այդ տարի ավելի քան 420.000 օտարերկրացու տրամադրված թույլտվությունների շնորհիվ նրանց թիվը հատել էր 1 մլն-ի շեմը:

Իսկ 2022-ին ի վերջո հասել էր իր գագաթնակետին՝ կազմելով 1.354.000-ի:

Նշենք, որ նախկինում առկա նման աճից հետո այժմ գրանցվող նվազման միտումները Թուրքիայում համարվում են ռեկորդային:

Աղբյուր` birgun.net

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։