Ստամբուլում Հրանտ Դինքի հիշատակին նվիրված միջոցառում կանցկացվի

Հասարակական15:38, 16 Հունվար 2024

Ստամբուլում Հրանտ Դինքի հիշատակին նվիրված միջոցառում կանցկացվի

Թուրքիայում հրապարակվող «Ակոս» հայկական թերթի հիմնադիր և գլխավոր խմբագիր Հրանտ Դինքի հիշատակին նվիրված միջոցառում տեղի կունենա Ստամբուլում:

Միջոցառումն անցկացվելու է Դինքի սպանության օրը՝ հունվարի 19-ին, Ստամբուլի Շիշլի շրջանի Օսմանբեյի թաղամասում՝ խմբագրատան նախկին շենքի դիմաց:

Ավելի վաղ գրավոր հայտարարությամբ հանդես էին եկել Հրանտ Դինքի ընկերները, ովքեր նաև միջոցառման կազմակերպիչներն են:

«Հրանտ Դինքին սպանողը, 17 տարի առաջ սպանություն կատարելիս, 17 տարեկան էր: Այսօր նա անխոչընդոտ շրջում է մեր մեջ: Դատավարության անվան տակ խայտառակ ներկայացում էր բեմադրվել: Հրանտ Դինքի սպանությունն այս երկրի պատմության մեջ բիծ է թողել: Մենք բողոքում ենք, մենք ապստամբում ենք, մենք արդարություն ենք պահանջում»,- ասված է հայտարարության տեքստում:

Աղբյուր` agos.com.tr

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։