Քաղաքական16:14, 24 Հունվար 2024
Մեկնարկել է Սիրիայի հարցով Աստանայի ձևաչափի 21-րդ նիստը
Ղազախստանի մայրաքաղաք Աստանայում մեկնարկել է Սիրիայի ճգնաժամը լուծելու նպատակով Թուրքիայի, Ռուսաստանի և Իրանի նախաձեռնությամբ ստեղծված ձևաչափի 21-րդ նիստը:
Թուրքիայի ներկայացուցչական պատվիրակությունը գլխավորում է փոխարտգործնախարար Ահմեդ Յըլդըզը, Ռուսաստանինը՝ ՌԴ նախագահ Վլադիմիր Պուտինի Սիրիայի հարցերով հատուկ ներկյացուցիչ Ալեքսանդր Լավրենտիևը, իսկ Իրանինը՝ իսլամական հանրապետության արտգործնախարարության քաղաքականության հարցերով ավագ խորհրդական Ալի Ասգար Հաջըն:
Նիստին մասնակցում են նաև Սիրիայի փոխարտգործնախարար Բասսամ Սաբբահի ու Սիրիայի ընդդիմադիր ուժերի ներկայացուցիչ Ահմեդ Թումայի գլխավորած պատվիրակությունները, ինչպես նաև Միացյալ ազգերի կազմակերպության (ՄԱԿ) Սիրիայի հարցերով հատուկ ներկայացուցչի օգնական Նաջաթ Ռոչդինը:
Բացի այդ, դիտորդի կարգավիճակում մասնակցում են Հորդանանի, Իրաքի և Լիբանանի պատվիրակությունները:
Առաջին օրն ընթացող հանդիպումների ժամանակ քննարկվելու են հարցեր Սիրիայի մերձակայքում տարածաշրջանային իրավիճակի փոփոխության, Սիրիայի հարցի համապարփակ լուծման ուղղությամբ ձեռնարկվող քայլերի, հումանիտար իրավիճակի և Սիրիայի վերակառուցումը հեշտացնելու նպատակով միջազգային հանրության մոբիլիզիացայի վերաբերյալ:
Այս ամենին զուգահեռ անդրադարձ է կատարվելու Սիրիայում գտնվող և այդ երկրների կողմից ահաբեկչական ճանաչված քուրդ զինյալների դեմ իրականացվող պայքարին, գերիների ազատ արձակմանը, անհետ կորածներին գտնելու նպատակով իրականացվող որոնողական աշխատանքներին, ինչպես նաև մի շարք այլ քայլերի, որոնք կարևոր են վստահության բարձրացման տեսանկյունից:
Ըստ թուրքական մեդիայում շրջանառվող լուրերի՝ թուրքական պատվիրակությունը երկկողմ հանդիպումներ է ունեցել Ռուսաստանի և ՄԱԿ-ի պատվիրակությունների հետ:
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |