Թուրքիան Թուրքմենստանում 50 մլրդ դոլարի ծրագիր է իրականացրել

Տնտեսական16:48, 25 Հունվար 2024

Թուրքիան Թուրքմենստանում 50 մլրդ դոլարի ծրագիր է իրականացրել

Թուրքմենստանում Թուրքիայի դեսպան Ահմեդ Դեմիրոքը թուրքմենական լրատվականների հետ զրույցում անդրադարձել է թուրքական ընկերությունների կողից Թուրքմենստանում իրականացված ծրագրերին:

Նա նշել է, որ Թուրքմենստանի անկախացումից հետո երկրում սկսված վերափոխումների ընթացքում թուրքական կապալառուական ընկերությունների ներդրումները մեծ են եղել:

«Թուրքական ընկերությունները մինչ օրս Թուրքմենստանում 50 մլրդ դոլարի հասնող շուրջ 1080 ծրագիր են հաջողությամբ ավարտել»,-ասել է նա:

Բացի այդ, թուրք դիվանագետը, նշել է, որ Թուրքիան Թուրքմենստանի համար ամենախոշոր առևտրային գործընկերներից մեկն է և շարունակում է մնալ այդպիսին:

«Թուրքիան Թուրքմենստանի հետ վերջին 4 տարում առևտրաշրջանառության ծավալները 3 անգամ բազմապատկել է՝ 2022-ին այն հասցնելով 2.1 մլրդ դոլարի: Մեր համագործակցության պոտենցիալն ավելի մեծ է».-հավելել է Դեմիրոքը:

Աշխաբադում Թուրքիայի դեսպանը նաև հույս է հայտնել, որ շուտով կմեկնարկեն աշխատանքները՝ թուրքմենական բնական գազի և էլեկտրաէներգիայի արևմտյան շուկաներ արտահանելու ուղղությամբ:

«Թուրքիան Տրանսանատոլիական (TANAP) գազատարով իր գազն արդեն հասցնում է Եվրոպա: Թուրքմենստանը առկա և կառուցվող էներգիայի փոխակերպման կայաններով ոչ միայն բնական գազի, այլև էլեկտրաէներգիայի արտահանման տեսանկյունից կարևոր դիրքերում է»,-եզրափակել է թուրք դեսպանը:

Աղբյուր` patronlardunyasi.com

Այս ենթաբաժնի վերջին նորությունները

17:30, 24 դեկտ

Թուրքիայում կարծում են, որ ռուսական գազի դադարեցումը դեպի Ուկրաինա, նոր շանս կստեղծի թուրքերի համար

Գտնվելով էներգետիկ ուղիների կենտրոնում՝ Թուրքիան կարող է առանցքային դեր խաղալ Եվրոպայի էներգետիկ ճգնաժամը մեղմելու գործում։

11:15, 23 դեկտ

Հունաստանը դեմ է Թուրքիայի և Սիրիայի միջև «Բացառիկ տնտեսական գոտու» ստեղծմանը

Հունական «Kathimerini» թերթը գրում է, որ Աթենքը նախապատրաստական աշխատանքներ է տանում դրա դեմ և պնդում, որ համաձայնագրի կնքմամբ Կիպրոսը կհայտնվի շրջափակման մեջ: