Էրդողանը ցավակցությունն է հղել Ստամբուլի կաթոլիկ եկեղեցու վրա հարձակման կապակցությամբ

Տարածաշրջան11:31, 29 Հունվար 2024

Էրդողանը ցավակցությունն է հղել Ստամբուլի կաթոլիկ եկեղեցու վրա հարձակման կապակցությամբ

Թուրքիայի նախագահականի հանրային կապերի վարչության նախագահ Ֆահրեթին Ալթունը հայտարարություն է տարածել Ստամբուլի կաթոլիկ եկեղեցու վրա հարձակման վերաբերյալ։

Հայտարարության մեջ մասնավորապես նշվում է, որ Ստամբուլի Սարըյեր շրջանում Սանտա Մարիա իտալական եկեղեցու վրա զինված հարձակման վերաբերյալ Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Սարըյեր շրջանի նահանգապետի, կաթոլիկ եկեղեցու քահանայի և Ստամբուլում Լեհաստանի գլխավոր հյուպատոսի հետ։

Աղբյուրի նշմամբ՝ Էրդողանը ցավակցություն է հղել համայնքին և տուժածներին մաղթել շուտափույթ ապաքինում ու հայտնել, որ ձեռնարկվում են անհրաժեշտ քայլեր հանցագործներին հնարավորինս արագ բռնելու համար։

Հայտարարության մեջ նաև նշվում է, որ ոստիկանական ուժերը մոբիլիզացված են բոլոր ռեսուրսներով։

Հիշեցնենք, որ հունվարի 28-ին Սանտա Մարիա իտալական եկեղեցում կիրակնօրյա պատարագի ժամանակ զինված հարձակում է տեղի ունեցել, որի հետևանքով 1 մարդ մահացել է։ Դեպքի առնչությամբ ձերբակալվել է 47 հոգի։ Թուրքական իշխանությունները հայտարարել են, որ հարձակման համար կասկածվում են Ռուսաստանի և Տաջիկստանի քաղաքացիները, ովքեր առնչություն ունեն «Իսլամական պետություն» խմբավորման (ԻՊ)-ի հետ։

Աղբյուր` Ermenihaber.am

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն:

13:58, 25 մարտ

Իրանի արտգործնախարար. «Թուրքիայում տեղի ունեցողն ամբողջությամբ այդ երկրի ներքին գործն է»

Աբբաս Արաղչին հեռախոսազրույց է ունեցել Հաքան Ֆիդանի հետ։ Կողմերն անդրադարձել են Թուրքիայի ներքաղաքական իրավիճակին։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

ԱՄՆ Կոնգրեսի Ներկայացուցիչ. «F-35 կործանիչները չեն գնա Թուրքիա»

Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։

Ինջիրլիքի ռազմաբազայում Թուրքիայի և YPG-ի միջև հրադադարի համաձայնագիր է կնքվել

Նման լուրեր տարածվել են նաև քրդերեն հրապարակվող որոշ լրատվականներում, ինչպես նաև արաբական մեդիայում:

Օջալանի զենքերը վայ դնելու կոչին 2 խումբ կարող է ընդդիմանալ

«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։