Տնտեսական13:26, 31 Հունվար 2024
Թուրքիան ջանում է առաջ անցնել Գերմանիային քարածխով էլեկտրաէներգիայի արտադրմամբ
Լոնդոնի «Embir» էներգետիկ վերլուծական կենտրոնը հրապարակել է քարածխով էլեկտրաէներգիա արտադրող խոշորագույն երկրների տվյալները։
Նշվում է, որ 2024-ին Թուրքիան ջանում է առաջ անցնել Եվրոպայում քարածխով էլեկտրաէներգիայի արտադրությամբ առաջատար Գերմանիային։
Թուրքիան 2023-ին քարածուխից արտադրել է 117․6 տերավատ/ժամ էլեկտրաէներգիա` արտանետելով 118մլն տոննա ածխաթթու և այլ գազեր։ Այս ցուցանիշով Թուրքիան գրեթե հավասարվում է Գերմանիայի հետ, որը ածուխից արտադրում է 117․9 տերավատ/ժամ է էլեկտրաէներգիա և գերազանցում է Լեհաստանին, որը ածուխից ստանում է 97 տերավատ/ժամ էլեկտրաէներգիա։
Նշվում է, որ և՛ Գերմանիան, և՛ Լեհաստանը 2023-ին տարեկան կտրվածքով գրանցել են ածխի արտադրության զգալի անկում և խոստացել են էլեկտրաէներգիայի արտադրության մեջ վերականգնվող էներգիայի օգտագործման արագ աճ և դրա հետ մեկտեղ նվազեցնել ածխի օգտագործումը։ Իսկ այս ֆոնին Թուրքիան 2023-ին ածուխով աշխատող էլեկտրաէներգիայի արտադրության մեջ գրանցում է երկրորդ անընդմեջ տարեկան աճը։
.jpg)
Էլեկտրաէներգիա արտադրողները դանդաղեցրել են բնական գազի, հատկապես հեղուկ բնական գազի գնումները՝ տոկոսադրույքի, գնաճի և փոխարժեքների բարձրացման պատճառով և ընտրել են ավելի էժան ածուխը։ Թուրքիայի հեղուկ գազի ներմուծումը 2023-ին 2022-ի համեմատ նվազել է 8․2-ով, 2019-ից ի վեր գրանցելով ամենացածր մակարդակը։
Էլեկտրաէներգիայի կազմակերպությունները գազի դեֆիցիտը լրացնելու համար ածխի կայաններից տարեկան 3․5-ով ավելացրել են էլեկտրաէներգիայի արտադրությունը և սահմանել են նոր ռեկորդ՝ էլեկտրաէներգիայի ազգային արտադրության մեջ ածուխի մասնաբաժինը 2022-ի 35․4 տոկոսից դարձնելով 37 տոկոս։ Թուրքիայի էներգետիկայի և բնական պաշարների նախարարության հրապարակած տվյալներում նշվում է, որ 2022-ին ածխի մասնաբաժինը կազմել է 34․6 տոկոս, իսկ 2023-ին՝ 36․3 տոկոս։
Իսկ համաշխարհային առևտրի հետախուզության հարթակը «Kpler»-ը հրապարակել է տվյալներ և նշել, որ Թուրքիայի ածխի ընդհանուր ներմուծումը ողջ տարվա ընթացքում հիմնականում կայուն է մնացել՝ մոտավորապես 39․3 մլն մետրիկ տոննա: Թուրքիայի ջերմային ածուխի ընդհանուր ներմուծումը Ռուսաստանից անցյալ տարի նախորդ տարվա համեմատ աճել է 25%-ով՝ հասնելով 22.8 մլն տոննայի։
Ռուսաստանին բաժին է ընկել նաև Թուրքիայի ածուխի արտահանման 58%-ը, 2022 թվականին այս ցուցանիշը կազմել է 46%, իսկ 2018 թվականին՝ 20%-ից ցածր։ ՌԴ-Ուկրաինա պատերազմից հետո Ռուսաստանը բարձր զեղչեր է կիրառում էներգակիրների արտահանման համար և տրամաբանական է, որ Թուրքիան օգտվի այդ առավելությունից։
Այս ենթաբաժնի վերջին նորությունները
Թուրքիան դարձել է Ուզբեկստանի 4-րդ առևտրային գործընկերը։
Օմեր Բոլաթն անդրադարձել է ԱՄՆ-ի կողմից Թուրքիայի համար սահմանած 10% մաքսատուրքին։
«Ինֆլյացիոն հետազոտությունների խմբի» տվյալների համաձայն՝ Թուրքիայում գնաճի տեմպերը չեն նվազում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նախարարներն այցելել են տարբեր խանութներ և լուսանկարներ հրապարակել խանութներից՝ ցույց տալով, որ մարդիկ չեն բոյկոտում։
Միջադեպից հետո Ժոզե Մոուրինյոն կարմիր քարտ է ստացել։
Ռամադանի միայն 5-րդ օրը գրանցվել է ընդհանուր առմամբ 583 ավտոպատահար։
Մասնավորապես շեշտվում է, որ Թուրքիան երկար տարիներ ներկայացուցիչ չունի UEFA-ի խորհրդում, իսկ Հայաստանը 4 տարի ժամկետով ունի։
Ստամբուլի քաղաքապետ Էքրեմ Իմամօղլուի ձերբակալումից հետո Թուրքիայի տարբեր քաղաքներում բազմամարդ ցույցեր են: Ընդդիմադիրները ժողովրդին կոչ են անում փողոց դուրս գալ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |