Գիտակրթական12:22, 23 Փետրվար 2024
Թուրքիան և Լիբիան կհամագործակցեն կրթության ոլորտում
Թուրքիայի ազգային կրթության նախարար Յուսուֆ Թեքինը Թուրքիայում հանդիպել է Լիբիայի ազգային միասնության կառավարության տեխնիկական և մասնագիտական կրթության նախարար Յահլիֆ Սաիդ Էլ Սիֆավի հետ։ Հանդիպմանը կողմերը ստորագրել են «Մասնագիտական և տեխնիկական կրթության համագործակցության փոխըմբռման հուշագիր»։
Թեքինի նշմամբ, Թուրքիան Լիբիայի հետ ունի արմատական, պատմական և մշակութային կապեր և երկու երկրների ժողովուրդները դժվարին ժամանակներում մշտապես կանգնած են եղել կողք-կողքի։ Ինչպես նաև հավելել է, որ Թուրքիայի համար չափազանց կարևոր է Լիբիայի ինքնիշխանությունն, անկախությունը, տարածքային ամբողջականությունը և քաղաքական միանությունը։
Թուրք նախարարը մասնավորապես նշել է, որ Թուրքիան մշտապես պատրաստ է Լիբիային տրամադրել անհրաժեշտ աջակցություն և ցանկանում են զարգացնել համագործակցությունը հատկապես կրթության և մշակույթի ոլորտներում, քանի որ ազգային մակարդակում տնտեսական աճի և տևական զարգացման համար ամենաուժեղ գործիքը կրթությունն է։
Թեքինի խոսքով, վերոնշյալ փոխըմբռման հուշագիրը կլինի ամուր համագործակցության, բարեկամական հարաբերությունների ապացույցը և Թուրքիան պատրաստ է կիսվել իր փորձով այս ոլորտում՝ զարգացնելով համագործակցությունը Լիբիայի հետ։
«Այս տեքստը միայն դիվանագիտական տեքստ չի լինելու, այլ նշանակալից ներդրում է ուենենալու մեր ապագան կերտող երեխաների, երիտասարդների կրթության գործում և հավատում եմ, որ եղբայրության և փոխադարձ վստահության վրա հիմնված հարաբերություններն ավելի են խորանալու»,- նշել է նախարարը։
Լիբիայի նախարարն էլ իր հերթին ընդգծել է, որ Լիբիան Թուրքիայի հետ դարեր շարունակ բարեկամության և եղբայրության մեջ է և այս փոխըմբռման հուշագրի ստորգրմամբ կարող են իրականացնել հետազոտողների, տեղեկատվության և փորձի փոխանակում, ինչպես նաև նպատակ ունեն հաստատել զարգացնել մասնագիտական կրթություն տվող հաստատությունների միջև հարաբերությունները և դյուրացնել դիպլոմների համարժեքության փոխադարձ ընթացակարգերը։
Այս ենթաբաժնի վերջին նորությունները
Գիրքը տպագրվել է Ստամբուլի Օրթաքյոյ թաղամասի Սուրբ Մարիամ Աստվածածին եկեղեցու հիմնադարմի հովանավորությամբ։
Դասընթացը անցկացվում է Ադրբեջանի դեսպանատանն առընթեր գործող «Ադրբեջանի մշակութային կենտրոնի» մեկնարկած ծրագրի շրջանակներում։
Գամբիայի զինված ուժերի անձնակազմը թուրքերենի դասեր է անցնում, որպեսզի կրթությունը շարունակի Թուրքիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ համագործակցության մասին առաջին անգամ հայտարարել է «Ռոսատոմ» ատոմային էներգետիկ պետական ընկերության ղեկավար Ալեքսեյ Լիխաչովը:
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |