Ադրբեջանին մատակարարված թուրքական գրոհային ԱԹՍ-ներով զորավարժություն է իրականացվել

Ռազմական16:31, 29 Փետրվար 2024

Ադրբեջանին մատակարարված թուրքական գրոհային ԱԹՍ-ներով զորավարժություն է իրականացվել

Թուրքական իշխանամերձ TGRT Haber-ն անդրադարձել է Ադրբեջանի պաշտպանության նախարարության հայտարարությանն Թուրքիայի կողմից Ադրբեջանին վաճառված AKINCI տեսակի գրոհային անօդաչու թռչող սարքերի մասին։

Ավելի վաղ Ադրբեջանում տեղի են ունեցել զորավարժություններ, որին մասնակցել են Թուրքիայի կողմից Ադրբեջանին վաճառված AKINCI տեսակի գրոհային անօդաչու թռչող սարքերը։

Ուշագրավ է, որ թուրքական աղբյուրում հրապարակված նյութում նշված է. «Ադրբեջանը զորավարժություն է անցկացրել AKINCI-ով, որը մեծապես վախեցրել է Հայաստանին»։

Հիշեցնենք, որ 20 մետր թևերի բացվածք ունեցող «Akıncı» ԱԹՍ-ն համալրված է արհեստական բանականության համակարգով, արբանյակային հաղորդակցության համակարգերով, օդ-օդ ռադարներով, խոչընդոտները հայտնաբերող ռադարներով:

ԱԹՍ-ն համալրված է նաև թուրքական արտադրության զինամթերքով՝ ռումբերով ու հրթիռներով (MAM-L, MAM-C, Cirit, L-UMTAS, Bozok, MK-81, MK-82, MK-83, KGK-MK-82, Gökdoğan, Bozdoğan, SOM-A), որոնց թվում են թևավոր և օդ-օդ հրթիռներ:

Աղբյուր` TGRT haber.com.tr

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: