Քաղաքական15:17, 01 Մարտ 2024
Թուրքիայի հատուկ ներկայացուցիչ Քըլըչը Ռուբինյանին առաջարկել է հանդիպել Երևանում
Մարտի 1-ին Թուրքիայում մեկնարկած «Անթալիայի դիվանագիտական ամենամյա ֆորումի» շրջանակներում կազմակերպվել է «Խաղաղություն, զարգացում և փոխկապակցվածություն Հարավային Կովկասում» խորագրով պանելային քննարկում:
Քննարկմանը մասնակցել են նաև Հայաստան-Թուրքիա հարաբերությունների կարգավորման գործընթացում Հայաստանի հատուկ ներկայացուցիչ Ռուբեն Ռուբինյանը և Թուրքիայի հատուկ ներկայացուցիչ Սերդար Քըլըչը:
Քըլըչը, խոսելով Հայաստան-Թուրքիա հարաբերությունների կարգավորման գործընթացի մասին, նշել է, որ այդ գործընթացում ունեցած անհաջող փորձերից պետք է դասեր քաղել և կենտրոնանալ դրական դեպքերի վրա:
Ապա նաև հավելել, որ եթե տեղի ունեցած անհաջողություններից դասեր չքաղվի, հարաբերությունների կարգավորման գործընթացում ներդրված ջանքերն ապարդյուն կլինեն:
Բացի այդ Քըլըչն ընդգծել է, որ թուրքական կողմը ընկալում է առկա պրոցեսի բարդությունը և նշել, որ անվտանգության հարցերի վերաբերյալ ինչ-որ լուծման հասնելը չի կարող ստացվել արագ:
«Բոլոր հարցերի շուրջ հնարավոր չէ հասնել միակարծության: Այդ իսկ պատճառով համապատասխան պայմանների համար (բանակցությունները շարունակելու նպատակով-խմբ.) կարող ենք մի կողմում թողնել այդ խնդիրները և վերադառնալ ակտուալ հարցերի»,-ասել է թուրք դիվանագետը:
Բանակցային գործընթացում Թուրքիայի հատուկ ներկայացուցիչը նմանատիպ գործընթացը դիտարկել է հնարավոր թե Հայաստան-Թուրքիա և թե Հայաստան-Ադրբեջան հարաբերությունների կարգավորման համար:
Քըլըչը Ռուբինյանին առաջարկել է նաև հանդիպել Հայաստանի մայրաքաղաք Երևանում և իր խոսքով՝ «դրանից պատմական իրադարձություն կերտել»:
Նման առաջարկով թուրք դիվանագետը հանդես է եկել՝ Հարավային Կովկասում կոմունիկացիաների բացման վերաբերյալ լրագրողներից մեկի հարցին պատասխանելիս:
Ի պատասխան Քըլըչի առաջարկին՝ Ռուբինյանն ասել է. «Շատ լավ, մենք այսօր ավելի ուշ կքննարկենք դա Ձեզ հետ և կորոշենք թե երբ և որտեղ կհանդիպենք»:
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |