Քաղաքական15:47, 15 Մարտ 2024
ԱՄՆ Պետդեպի խոսնակ. « F-35-ի շուրջ բանակցությունները կսկսվեն, երբ Թուրքիան հրաժարվի S-400-ից»
ԱՄՆ պետքարտուղարության խոսնակներից մեկը «Ամերիկայի ձայն» լրատվական հարթակի (VOA) ներկայացուցչի հետ զրույցում անդրադարձել է Թուրքիայի F-35 կործանիչների ձեռք բերման գործընթացին:
Նա նշել է, որ Թուրքիայի գնած ռուսական S-400 հակաօդային պաշտպանության (ՀՕՊ) համակարգերը չեն համապատասխանում Հյուսիսատլանտյան դաշինքի (ՆԱՏՕ) զենք-զինամթերքի ստանդարտներին և այդ համակարգը սպառնալիք է ներկայացնում ՆԱՏՕ-ի տեխնոլոգիաների անվտանգությանը:
Բացի այդ ընդգծել է, որ Թուրքիան որպես ՆԱՏՕ անդամ և դաշնակից չի կատարում իր ստանձնած պարտավորությունները, ապա նաև կոչ է արել Թուրքիային հրաժարվել S-400-ներից:
«Երբ լուծենք S-400-ի խնդիրը, ԱՄՆ-ն կողջունի Թուրքիայի հետ F-35-ի թեմայով հանդիպումը»,-ասել է նա:
Թուրքիայի պաշտպանության նախարարության մամուլի և հանրային կապերի քարտուղար, կոնտրադմիրալ Զեքի Աքթյուրքը նախարարությունում անցկացված մամուլի ասուլիսում ևս խոսել է այս թեմայի շուրջ:
Նա հայտարարել է, որ Թուրքիան մտադիր է ԱՄՆ-ից ետ պահանջել F-35-երի համար վճարած գումարը:
«Մենք կարծում ենք, որ կկարողանանք վերադարձնել F-35-ի համար վճարված մեր գումարը: Այս հարցում ևս մեր քննարկումները շարունակվում են»,- ասել է նա:
Հիշեցնենք, որ Ուկրաինայում Ռուսաստանի կողմից «Հատուկ ռազմական գործողության» մեկնարկից հետո, Վաշինգտոնը մի քանի անգամ Անկարային տարբեր խողովակներով առաջարկել էր նաև Ռուսաստանից գնված S-400 ՀՕՊ համակարգերը փոխանցել Ուկրաինային:
ԱՄՆ-ն այդ առաջարկով պատրաստակամություն էր հայտնել նաև քննարկել 5-րդ սերնդի նորագույն F-35 կործանիչների համատեղ արտադրության ծրագրում Թուրքիայի մասնակցության վերականգնման հարցը, որին Անկարայի մասնակցությունը կասեցվել էր ՆԱՏՕ-ի անդամ չհանդիսացող ՌԴ-ից S-400-ներ գնելու պատճառով:
«Reuters» գործակալությունն էլ հայտնել էր, որ ամերիկյան կողմը թեման օրակարգ էր բերել ԱՄՆ պետքարտուղարի տեղակալ Վենդի Շերմանի Թուրքիա կատարած այցի ժամանակ: Ըստ որի՝ ոչ պաշտոնական քննարկման ժամանակ թուրք պաշտոնյաները ամերիկյան կողմին տեղեկացրել էին, որ նման քայլը (S-400-ը Կիևին փոխանցելը-խմբ.) կարող է փչացնել ռուս-թուրքական հարաբերությունները՝ հասկացնելով, որ Թուրքիայի կողմից այդ առաջարկի ընդունումն իրատեսական չէ:
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |