Հաքան Ֆիդան. «Թուրքիան իր ապագան տեսնում է Եվրոպայում»

Քաղաքական12:10, 21 Մարտ 2024

Հաքան Ֆիդան. «Թուրքիան իր ապագան տեսնում է Եվրոպայում»

Մարտի 20-ին Թուրքիայի արտգործնախարար Հաքան Ֆիդանը իսպանացի իր գործընկերոջ՝ Ժոզե Մանուել Ալբարեսի հետ համատեղ մամուլի ասուլիսի ընթացքում անդրադարձել է Թուրքիա-Եվրամիություն (ԵՄ) հարաբերություններին:

Նա ընդգծել է, որ Թուրքիայի համար ԵՄ-ին անդամակցելու գործընթացը շարունակում է մնալ առաջնահեթություն և այդ մասին Ալբարեսի հետ հանդիպման ընթացքում ևս նշել է:

«Եվս մեկ անգամ ասել եմ, որ ԵՄ-ին Թուրքիայի անդամակցության գործընթացն այնքան կարևոր է, որ այն չի կարող թողնվել որոշ երկրների արտասովոր քաղաքական օրակարգերին»,-հայտարարել է Ֆիդանը:

Թուրք նախարարը նշել է նաև, որ ԵՄ անդամ մի շարք երկրներ կան, որոնք մշտապես անկեղծորեն աջակցում են Թուրքիային եվրաանդամակցության հարցում և դրանցից մեկն էլ Իսպանիան է:

Բացի այդ անդրադառնալով ԵՄ-Թուրքիա հարաբերությունների զարգացման և խորացման գործընթացում երկուստեք շահերին և օգուտներին՝ Ֆիդանն ասել է.

«Մասնավորապես տարածաշրջանային և համաշխարհային անվտանգության հարցում համապարփակ քննարկումներ չեն եղել, թե ինչ կարելի է անել: Անհրաժեշտ է, որ այս քննարկումները սկսվեն, իսկ եթե այդ առողջ քննարկումները չլինեն երկու կողմերն էլ կարող են չտեսնել այն փոխադարձ լուրջ շահը, որը հնարավոր էր ունենալ»:

Ապա նաև հավելել, որ Թուրքիան իր ապագան տեսնում է Եվրոպայում և ԵՄ-ի անդամակցության գործընթացում հաջողելու համար անհրաժեշտ է քաղաքական կամքի դրսևորում:

«Այս հարցում կամքի ցուցաբերելու մասին հայտարարությունները, որոնց սպասում է Թուրքիան, ԵՄ-ի անդամ առանցքային երկրներից են հնչում: Նմանատիպ քաղաքական կամք կար 2004-ից 2005-ին, որը սակայն ավելի ուշ քայքայվեց ու հետզհետե վերացավ։ Եվ մենք տեսանք, որ Թուրքիայի առնչությամբ ԵՄ-ում լիովին այլ քաղաքական միտք և տարմադրվածություն ձևավորվեց»,- պարզաբանել է Ֆիդանը:

Աղբյուր` sozcu.com.tr

Այս ենթաբաժնի վերջին նորությունները

00:02, 13 ապր

Անթալիայում կայացել է Արարատ Միրզոյանի և Հաքան Ֆիդանի հանդիպումը

Հանդիպման ընթացքում կողմերը քննարկել են Թուրքիա-Հայաստան օրակարգային հարցեր։

18:42, 12 ապր

Անթալիայում հանդիպել են Թուրքիայի և ՌԴ-ի արտաքին գործերի նախարարները

Ֆիդանը և Լավրովը քննարկել են ռուս-թուրքական հարաբերությունները և ռուս-ուկրաինական հակամարտությունը։

18:59, 11 ապր

Քըլըչ. «Սահմանադրության փոփոխությունը Հայաստանի ներքին հարցն է» (Տեսանյութ)

Հայաստան-Թուրքիա հարաբերությունների կարգավորման հարցերով Թուրքիայի հատուկ ներկայացուցիչն անդրադարձել է Ադրբեջանի կողմից Հայաստանի սահմանդրության փոփոխության վերաբերյալ հնչեցվող պահանջներին: