Քաղաքական10:08, 26 Մարտ 2024
Յաշար Գյուլեր. «Մեր երկրում հաստատվել է անվտանգ և խաղաղ միջավայր»
Թուրքիայի պաշտպանության նախարարության տարածած հաղորդագրության համաձայն՝ Թուրքիայի ռազմական գերատեսչության նախարար Յաշար Գյուլերը, գլխավոր շտաբի պետ, գեներալ Մեթին Գյուրաքը և ցամաքային ուժերի հրամանատար, գեներալ Սելչուք Բայրաքթարօղլուն Թուրքիայի կենտրոնական հատվածում գտնվող Քըրըքքալե քաղաքում հանդիպել են մահացած զինծառայողների ընտանիքների հետ:
Անցկացված ավանդական «Իֆթար» ծրագրի շրջանակներում ելույթ է ունեցել Գյուլերը, ով խոսել է երկրի անվտանգության նկատառումներով պայմանավորված զինված ուժերի կողմից իրականացվող գործողությունների մասին:
Իֆթար - ընթրիք Ռամադանի՝ իսլամում սուրբ ամիս համարվող ամսվա ընթացքում:
«Մեր երկրում ամբողջապես հաստատվել է անվտանգ և խաղաղ միջավայր»,-ասել է նա:
Բացի այդ, Գյուլերն ընդգծել է, որ Թուրքիայի ԶՈՒ-ն շարունակում է հաջող իրականացնել թե՛ սահմանային անվտանգությունն ապահովելու գործընթացը, և թե՛ ահաբեկչության դեմ պայքարում իր առջև դրված առաջադրանքները:
«Մենք երկրի ներսում և սահմաններից դուրս իրականացվող արդյունավետ գործողություններով հասել ենք նրան, որ կազմակերպությունը (նկատի է առնվել «Քուրդիստանի բանվորական կուսակցությունը» ՔԲԿ/PKK, որն իրենց կողմից համարվում է ահաբեկչական կազմակերպություն-խմբ.) կորցրել է իր գործելու կարողունակությունը»,-եզրափակել է թուրք նախարարը:
Ռազմական գերատեսչության ղեկավարն ընդգծել է նաև, որ նույն կերպ գործողություններ են կատարվում Թուրքիայի իրավունքներն ու շահերը պաշտպանելու ուղղությամբ թե՛ օդում, և թե՛ ցամաքում:
«Միաժամանակ մեր այս գործողություններով մի շարք տարածաշրջաններում մեծապես նպաստում ենք անվտանգությանը, խաղաղությանը և կայունությանը»,-ասել է նա:
Այս ամենին զուգահեռ, Գյուլերը խոսել է տեղական ռազմարդյունաբերության մասին, ընդգծելով, որ այն ավելացնում է թուրքական բանակի հնարավորությունները և դարձնում դրան ավելի կարողունակ:
«Այնպիսի պաշտպանական համակարգեր, ինչպիսիք են ինքնագնաց հաուբիցները, անօդաչու թռչող սարքերը (ԱԹՍ), հարվածային ԱԹՍ-ները, հակահարձակողական ԱԹՍ-ները, գրոհային ուղղաթիռները, ավիակիր «TCG Anadolu» նավը և հակաօդային համակարգերը, հասանելի են բանակին»,-հավելել է նա:
Ապա նաև հայտարարել, որ ռազմարդյունաբերական «Roketsan» ընկերության գործարանի կառուցմամբ Քըրըքքալեում հազարավոր մարդկանց համար նոր աշխատատեղեր կապահովվեն:
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |