Քաղաքական17:17, 26 Մարտ 2024
Էրդողանը մայիսի 9-ին կմեկնի ԱՄՆ
Թուրքական մամուլում շրջանառվող տեղեկությունների համաձայն՝ Թուրքիայի նախագահ Ռեջեփ Թահյիփ Էրդողանն առաջիկայում մեկնելու է ԱՄՆ: Որպես հնարավոր այցի ամսաթիվ շրջանառվում է մայիսի 9-ը:
ԱՄՆ նախագահ Ջո Բայդենի նախագայության ժամանակաշրջանում Էրդողանն առաջին անգամ է պաշտոնական այցով մեկնելու Վաշինգտոն:
Նշվում է, որ նախատեսվում է հանդիպում երկու երկրի նախագահների միջև, իսկ նրանց հանդիպման օրակարգում լինելու են Թուրքիա-ԱՄՆ հարաբերությունները:
Սպասվում է, որ այցի ընթացքում պայմանավորվածություններ են ձեռք բերվելու երկկողմ հստակ համագործակցությունների շուրջ:
Քննարկվելու են նաև տնտեսական հարաբերություններին և մասնավորապես երկու երկրի միջև առկա առևտրաշրջանառությունը 100 մլդ դոլարի հասցնելու նպատակով իրականացվելիք քայլերին վերաբերող հարցեր:
Անդադարձ է կատարվելու ԱՄՆ-ից F-16 կործանիչների ձեռք բերման շուրջ իրականացվող աշխատանքներին: Մտքեր են փոխանակվելու գործընթացն արագացնելու շուրջ:
Օրակարգից դուրս չի մնալու նաև նախկինում Թուրքիայի կողմից ԱՄՆ-ին F-35 կործանիչների ձեռք բերման նպատակով վճարված 1.4 մլրդ դոլարի փոխհատուցման հարցը:
Բացի այդ Էրդողանն ու Բայդենը մտքեր են փոխանակելու Իրաքի և Սիրիայի հյուսիսում Թուրքիայի կողմից իրականացվող այսպես կոչված հակաահաբեկչական գործողությունների վերաբերյալ:
Բանակցություններում իր տեղն է գտնելու նաև Պաղեստինի Գազայի հատվածի ուղղությամբ Իսրայելի կողմից իրականացվող հարձակումների դադարեցման և պաղեստինյան խնդրի վերջնական լուծման հարցը:
Նշենք, որ ըստ տարածվող տեղեկությունների՝ Էրդողանը Թուրքիայի տեղական ինքնակառավարման մարմինների (ՏԻՄ) մարտյան ընտրություններից հետո մեկնելու է նաև Իրաք:
Այս դեպքում ևս անդրադարձ է կատարվելու ահաբեկչության դեմ պայքարին: Որպես այցի հնարավոր ամսաթիվ նշվում է ապրիլի 22-ը:
Թուրքական մամուլում Իրաք Էրդողանի կատարելիք այցը համարվում է պատմական, քանի որ Էրդողանը որպես նախագահ առաջին անգամ է մեկնելու Բաղդադ: Նա վերջին անգամ այնտեղ եղել է 2012-ին՝ իր վարչապետության շրջանում:
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |