Թուրքիան շարունակում է Ադրբեջանի հետ համագործակցությունը պաշտպանության ոլորտում

Ռազմական09:51, 03 Ապրիլ 2024

Թուրքիան շարունակում է Ադրբեջանի հետ համագործակցությունը պաշտպանության ոլորտում

Թուրքիայի նախագահականին կից պաշտպանական արդյունաբերության վարչության նախագահ, պրոֆեսոր Հալուք Գյորգյունն անդրադարձել է Ադրբեջանի և Թուրքիայի միջև առկա համագործակցությանը:

Գյորգյունը հանդիպել է Բաքվում Թուրքիայի դեսպան Ջահիթ Բաղջըի հետ, ապա նաև պատասխանել լրագրողների հարցերին:

Նա, անդրադառնալով «Թուրքիայի արտահանողների միության» (TİM) պատվիրակության և ադրբեջանցի գործարարների միջև 2 օր ընթացող պարբերական հանդիպումներին, դրանք որակել է արդյունավետ:

Ապա նաև հայտնել Ադրբեջանի նախագահ Իլհամ Ալիևի հետ ունեցած իր հանդիպման մասին և նշել, որ Ալիևի հետ կիսվել է զարգացման նոր ծրագրերով:

Գյորգյունը տեղեկացրել է Ադրբեջանի պաշտպանության նախարար Զաքիր Հասանովի և պաշտպանական արդյունաբերության նախարար Վուգար Մուստաֆաևի հետ ունեցած հանդիպման մասին ևս:

Բացի այդ, Բաքվում գտնվող թուրք պաշտոնյան, ով հասցրել է լինել մի շարք տեղական ընկերություններում, ասել է.

«Մենք, որպես Թուրքիայում գտնվող պաշտպանական արդյունաբերություն իրականացնող ընկերություններ, փորձում ենք զարգացնել Ադրբեջանի պաշտպանական կարողություններն ու աջակցել տեղական արդյունաբերության համատեքստում նրանց ունեցած շարժառիթներին և նպատականերին: Մենք շարունակում ենք մեր աշխատանանքերը նաև տարբեր հարցերում, ինչպիսիք են օրինակ արտադրական կառուցներն ու տեխնոլոգիական տրանսֆերները»:

Գյորգյունը խոսել է նաև թուրքական արդյունաբերության ոլորտում վերջին 20 տարում գրանցված ձեռքբերումների մասին:

Ըստ թուրք պաշտոնյայի, Թուրքիայի տեխնոլոգիական առաջընացը մի կողմից օգնում է իրենց բավարարել սեփական կարիքները, իսկ մյուս կողմից նվազեցնում է արտաքին կախվածությունն այդ ոլորտում, ինչպես նաև թույլ է տալիս ունենալ բարձր տեխնոլոգիական արտադրանք և դրանք արտահանելու հարցում լինել մրցունակ:

«Մենք շարունակում ենք արտահանումների ծավալում աճ գրանցել՝ յուրաքանչյուր տարում այն ավելացնելով 20 տոկոսով»,-հավելել է նա:

Նշենք, որ ապրիլի 1-ին Թուրքիայի նախագահականին կից պաշտպանական արդյունաբերության վարչության նախագահ, պրոֆեսոր Հալուք Գյորգյունը TİM պատվիրակության հետ միասին մեկնել էր Ադրբեջանի մայրաքաղաք Բաքու՝ հանդիպելու ադրբեջանցի գործարարների հետ:

Աղբյուր` aa.com.tr

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: