Ռուսաստանի և Թուրքիայի միջև բանկային փոխանցումների նոր հնարավորություններ

Տնտեսական16:20, 09 Ապրիլ 2024

Ռուսաստանի և Թուրքիայի միջև բանկային փոխանցումների նոր հնարավորություններ

Ըստ թուրք վերլուծաբան Էնգին Օզերի՝ Թուրքիան և Ռուսաստանը կարող են լուծել բանկային փոխանցումների հետ կապված խնդիրները՝ ստեղծելով ֆինանսական հաստատություններ Հյուսիսային Կիպրոսում և Աբխազիայում:

«Թուրքիայի և Ռուսաստանի միջև վճարումների համար առաջացած խնդրին լուծում կա. ինչպես գիտենք, Հյուսիսային Կիպրոսի Թուրքական Հանրապետությունը և Աբխազիայի Հանրապետությունը մասամբ ճանաչված երկու երկրներ են և նրանցից ոչ մեկը ներկայացվածություն չունի ՄԱԿ-ում։ Վճարումները կարելի է կատարել «МИР» վճարային համակարգի միջոցով Աբխազիայում ռուսական կողմի ստեղծած բանկում կամ Հյուսիսային Կիպրոսի ցանկացած բանկում», - «РИА Новости»-ի հետ զրույցում ասել է Էնգին Օզերը։

«Թուրքիայից փոխանցումները կկատարվեն դեպի Հյուսիսային Կիպրոսի բանկ, իսկ Ռուսաստանից՝ Աբխազիայի բանկերին։ Քանի որ «МИР» համակարգն է օգտագործվելու, դրա վերահսկումը դրսից դժվար է, իսկ գործարարներն ու ընկերությունները պատժամիջոցների վտանգի առաջ չեն կանգնում»,- պարզաբանել է թուրք փորձագետը։

Թուրքիայում Ռուսաստանի դեսպան Ալեքսեյ Էրխովն էլ ավելի վաղ հայտարարել էր, որ ամերիկացիներն ահաբեկում են Ռուսաստանի հետ աշխատող թուրքական բիզնեսներին և նշել, որ Ռուսաստանից Թուրքիա վճարային փոխանցումների խնդիրը դեռևս շարունակում է մնալ։

Աղբյուր` Ermenihaber.am

Այս ենթաբաժնի վերջին նորությունները

15:43, 03 դեկտ

Ռուսաստանում փորձում են կանխել «‎թուրքական սցենարի»‎ կրկնումը

Վերլուծաբանները նշում են, որ Ռուսաստանի Կենտրոնական բանկը կոշտ դրամավարկային քաղաքականություն է իրականացնում՝ նման սցենարը կանխելու համար։

16:16, 29 նոյ

Տնտեսագետ. «Մեծ անորոշություն կա, թե հայ-թուրքական սահմանի բացման դեպքում Թուրքիան ինչ մաքսային քաղաքականություն կվարի»

Լիլիա Ամիրխանյանը Ermenihaber.am-ի հետ զրույցում նշել է, որ հայ-թուրքական սահմանի բացման հարցում տնտեսական էֆեկտները գնահատելու հետ կապված անորոշությունը շատ մեծ են։