Թուրքիայի առևտրի նախարարը հեռախոսազրույց է ունեցել պաղեստինցի գործընկերոջ հետ

Տնտեսական12:18, 10 Ապրիլ 2024

Թուրքիայի առևտրի նախարարը հեռախոսազրույց է ունեցել պաղեստինցի գործընկերոջ հետ

Թուրքիայի առևտրի նախարար Օմեր Բոլաթը հեռախոսազրույց է ունեցել Պաղեստինի էկոնոմիկայի նախարար Մուհամմեդ էլ Ամուրի հետ:

Հեռախոսազրույցի ընթացքում կողմերը քննարկել են Պաղեստինի Գազայի հատվածում տիրող իրավիճակը, ընդգծվել է ռազմական գործողությունների անհապաղ դադարեցման և հումանիտար միջանցքների գործարկման անհրաժեշտությունը:

Բոլաթն ընդգծել է, որ ապրիլի 9-ին Թուրքիայի կողմից Իսրայել արտահանվող որոշ ապրանքների սահմանափակման որոշումը շարունակելու է ուժի մեջ մնալ քանի դեռ Գազայում տևական հրադադար չի հաստատվել և հումանիտար բեռների մուտքն այնտեղ չի ապահովվել:

«Այս իրավիճակը Պաղեստինի տարածքների վրայով բիզնես գործունեություն ծավալող պաղեստինցի առևտրականների վրա ևս կարող է ազդեցություն ունենալ, սակայն մեր իրական նպատակը հրադադարի հաստատման և հումանիտար բեռներով բարձված շարասյունների մուտքի համար թույլտվություն ստանալու հարցում Իսրայելի անզիջում մոտեցումների փոփոխությունն ապահովելն է»,-հավելել է նա:

Աղբյուր` trthaber.com

Այս ենթաբաժնի վերջին նորությունները

15:43, 03 դեկտ

Ռուսաստանում փորձում են կանխել «‎թուրքական սցենարի»‎ կրկնումը

Վերլուծաբանները նշում են, որ Ռուսաստանի Կենտրոնական բանկը կոշտ դրամավարկային քաղաքականություն է իրականացնում՝ նման սցենարը կանխելու համար։

16:16, 29 նոյ

Տնտեսագետ. «Մեծ անորոշություն կա, թե հայ-թուրքական սահմանի բացման դեպքում Թուրքիան ինչ մաքսային քաղաքականություն կվարի»

Լիլիա Ամիրխանյանը Ermenihaber.am-ի հետ զրույցում նշել է, որ հայ-թուրքական սահմանի բացման հարցում տնտեսական էֆեկտները գնահատելու հետ կապված անորոշությունը շատ մեծ են։