Քաղաքական16:44, 06 Մայիս 2024
Էրդողանը պատրաստվում է ևս մեկ անգամ հանդիպել ընդդիմադիր առաջնորդի հետ
Մայիսի 2-ին հանդիպել են Թուրքիայում գլխավոր ընդդիմադիր ուժը համարվող քեմալական «Ժողովրդահանրապետական կուսակցության» (ԺՀԿ-CHP) առաջնորդ Օզգյուր Օզելն ու իշխող «Արդարություն և զարգացում կուսակցության» (ԱԶԿ-AKP) առաջնորդ Ռեջեփ Թայիփ Էրդողանը:
ԱԶԿ-ի կենտրոնական գրասենյակում տեղի ունեցած հանդիպմանը ներկա են գտնվել նաև կուսակցությունների այլ ներկայացուցիչներ. ԺՀԿ-ից՝ Ստամբուլի պատգամավոր Նամուք Թանը, իսկ ԱԶԿ-ից՝ խորհրդարանում կուսակցության խմբի փոխնախագահ Մուսթաֆա Էլիթաշը:
Հանդիպման օրակարգը եղել է սահմանադրության փոփոխությունը, որին զուգահեռ քննարկվել են նաև կյանքի թանկությանը, թոշակների չափին, ուսուցիչներին նշանակումներին և այլ թեմաներին վերաբերող հարցեր:
Հանդիպումը տևել է 1.5 ժամ: Ավարտվելուն պես Օզելն ուղևորվել է ԺՀԿ-ի կենտրոնական գրասենյակ՝ անպատասխան թողնելով լրագրողների հարցերը:
Այնուհետև ԱԶԿ-ի և ԺՀԿ-ի առաջնորդների հանդիպման վերաբերյալ հայտարարությամբ է հանդես եկել իշխող կուսակցության փոխնախագահ Օզել Չելիքը:
Նա հայտնել է, որ գլխավոր ընդդիմադիր և իշխող կուսակցության ղեկավարների հանդիպումն անցել է դրական մթնոլորտում, ինչպես նաև այն, որ Էրդողանն ընդգծել է նման ֆորմատով հանդիպումների շարունակական լինելու անհրաժեշտությունը:
Չելիքը նշել է նաև, որ Էրդողանը պատրաստվում է պատասխան այց կատարել ԺՀԿ-ի կենտրոնական գրասենյակ՝ հանդիպելու Օզելի հետ:
Թուրքական մեդիայում շրջանառվող լուրերի համաձայն՝ պատասխան հանդիպումը կազմակերպվելու է առաջիկա օրերին:
Նշենք, որ նախքան Էրդողանի հետ հանդիպելն Օզելը հեռախոսազրույց էր ունեցել ԺՀԿ-ի նախկին առաջնորդների հետ, այդ թվում՝ 2023-ի համապետական ընտրություններում կուսակցությունն առաջնորդած Քեմալ Քըլըչդարօղլուի հետ:
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Լոնդոնում կազմակերպվել է նրանց հանդիպումը։
Թուրքիայի ներքին գործերի նախարար Ալի Յերլիքայան սոցցանում գրառում է արել երկրում ներգաղթյալների թվաքանակի վերաբերյալ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |