Քաղաքական10:04, 15 Մայիս 2024
Թուրքիայում ռազմական հեղաշրջու՞մ են պլանավորում
Մայիսի 15-ի գիշերը Թուրքիայի նախագահ Ռեջեփ Թայիփ Էրդողանը շտապ նախագահական նստավայր է կանչել Թուրքիայի «Ազգային հետախուզական ծառայության» (MİT) ղեկավար Իբրահիմ Քալընին և Արդարադատության նախարար Յըլմազ Թունչին:
Թուրքական մեդիայում շրջանառվող լուրերի համաձայն՝ հրատապ հանդիպումը կապված է եղել վերջին օրերին թուրքական ոստիկանական համակարգի վերին օղակներում ձևավորվող հեղափոխական միտումների հետ:
Ավելին, պնդումների համաձայն, հանդիպումը հրավիրվել է այն բանից հետո, երբ Էրդողանին հայտնել են, որ հնարավոր է ռազմական հեղաշրջման փորձ իրականացվի Թուրքիայում:
Նշվում է, որ հանդիպման ընթացքում քննարկվել են այդ ուղղությամբ կանխարգելիչ քայլեր իրականացնելու վերաբերյալ հարցեր:
Տեղեկություններ կան, որ Էրդողանը թեմայի վերաբերյալ պատրաստվում է ավելի ընդլայնված կազմով քննարկումներ ունենալ մայիսի 15-ին:
Թուրք լրագրող Զիյա Օսման Աչըքելը X-ում կատարած գրառմամբ ևս անդրադարձել է թեմային և պնդել, որ Էրդողանը հրատապ հանդիպում է իրականացրել նախագահականում:
«Անկարայում ինչ-որ բաներ են տեղի ունենում»,-հավելել է նա:
Նշենք, որ վերջերս թուրքական կառավարության համար անհանգստացնող խմորումների մասին խոսել էր նաև իշխող «Արդարություն և զարգացում» (ԱԶԿ-AKP) կուսակցության հետ «Ժողովուրդ» (Cumhur) դաշինքի մեջ գտնվող «Ազգայնական շարժում» (ԱՇԿ-MHP) կուսակցության նախագահ Դևլեթ Բահչելին:
«Եթե մենք ենթարկվենք նրանց, ովքեր ծրագրում են կրկնել հեղաշրջման փորձը ոստիկանական և դատական համակարգում ունեցած իրենց 17-ից 25 հոգու հասնող համախոհների հետ, ապա ամո՛թ մեզ»,-ասել էր նա:
Հայտարարությունը հաջորդել էր մի շարք բարձրաստիճան ոստիկանների տներում խուզարություններ անելու և աշխատանքից ազատելու դեպքերին:
Նրանք մեղադրվել են Այհան Բորա Քափլանի գլխավորած «Kaplan» հանցավոր խմբի հետ համագործակցելու մեջ:
Այս ենթաբաժնի վերջին նորությունները
Ներկայումս թուրքական «Karar» թերթի հոդվածագիր Աքիֆ Բեքին գնահատականներ է տվել թուրք-սիրիական ազգամիջյան բախումների ֆոնին Սիրիայի գծով Թուրքիայի պետական քաղաքականությանը:
Թուրքիայի նախագահն Աստանա կատարած այցի շրջանակներում մասնակցել է «Շանհայի համագործակցության կազմակերպության ղեկավարների 24-րդ գագաթնաժողովին»։
Թուրքիայում գլխավոր ընդդիմադիր ուժ համարվող կուսակցության ներկայացուցիչ Դենիզ Յուջելն անդրադարձել է թուրք-սիրիական ազգամիջյան բախումներին:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքական «Areda Survey» հետազոտական ընկերությունը սոցհարցում է անցկացրել մայիսի 19-ին Իրանի նախագահի մահվան մասին:
«RTÜK»-ը նշել է, որ նման որոշումը կայացվել է նախկինում կայացված որոշումներին չհետևելու և ցուցումներին հակառակ գործելաոճի շարունակականության պատճառով:
Սաուդական պետական «SAMI» և թուրքական 3 ընկերության միջև համագործակցության մասին փոխըմբըռնման հուշագիր է ստորագրվել:
Հայտնի է դարձել հուլիսի 3-ին Աստանայում կայացած Թուրքիայի նախագահ Ռեջեփ Թայիփ Էրդողանի և ՌԴ նախագահ Վլադիմիր Պուտինի փակ հանդիպման օրակարգը:
Նշվում է, որ Էրդողանը մեկնում է Գերմանիա՝ անձամբ ներկա գտնվելու և դիտելու ԵՎՐՈ-2024-ի Թուրքիա-Հոլանդիա հանդիպումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |