Հասարակական16:03, 29 Մայիս 2024
Հրազենային վիրավորում է ստացել Թուրքիայում գործող «Ազգայնական Օջախներ» կազմակերպության նախագահը
Թուրքիայի հյուսիս-արևմուտքում գտնվող Սաքարյայի Սափանջա շրջանում զինված բախում է տեղի ունեցել:
Նշվում է, որ Ռուստեմփաշա թաղամասում «Իդեալիստական Օջախներ» (Գաղափարապաշտների օջախներ) կոչվող թուրքական ծայրահեղական կազմակերպության շենքի առաջ, որ կապվում է Թուրքիայում գործող «Ազգային շարժում կուսակցության» (MHP) հետ, լեզվակռիվ է սկսվել, ինչն էլ հետագայում վերածվել է ծեծկռտուքի և ուղկեցվել կրակոցներով:
Միջանկյան նշենք, որ կազամակերպությունն առավել հայտնի է «Գորշ գայլեր» անունով, իսկ ԱՇԿ-ն հանդիսանում է այս ազգայնամոլական կազմակերպության քաղաքական թևը։
Լեզվակռվի մեջ են բռնվել կազմակերպության Սափանջայում գտնվող գրասենյակի նախագահ Էմիրհան Քաբալաքը և Ս.Ք. անունով անձը:
Արդյունքում Ս.Ք.-ն կրակոց է արձակել Քաբալաքի ուղղությամբ և վերջինս վիրավորվել է: Ավելի ուշ նրան տեղափոխել են հիվանդանոց: Հաղորդվում է, որ նրա կյանքին վտանգ չի սպառնում:
Այս պահին ոստիկանության ջոկատների կողմից աշխատանք է տարվում դեպքի վայրից փախուստի դիմած կասկածյալին հայտնաբերելու ուղղությամբ:
Հիշեցնենք, որ «Գորշ գայլերը» թուրքական ազգայնական երիտասարդական կազմակերպություն է: Այն ստեղծվել է 1960-ականների վերջին գնդապետ Ալփարսլան Թյուրքեշի նախաձեռնությամբ՝ Ազգայնական շարժում կուսակցության (MHP) հովանու ներքո և հավատարիմ է պանթուրքիզմի գաղափարախոսությանը։
Այս ենթաբաժնի վերջին նորությունները
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Լոնդոնում կազմակերպվել է նրանց հանդիպումը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |