Քաղաքական10:20, 31 Մայիս 2024
Գազայի և Ուկրաինայի բախումները Բլինքեն-Ֆիդան հանդիպման օրակարգում
Թուրքիայի արտգործնախարարության X-ում (նախկին Twitter) տարածած հաղորդագրության համաձայն՝ արտաքին գերատեսչության ղեկավար Հաքան Ֆիդանը Չեխիայի մայրաքաղաք Պրահայում հանդիպել է ԱՄՆ պետքարտուղար Էնթոնի Բլինքենի հետ:
Ըստ դիվանագիտական աղբյուրների՝ կողմերը մտքեր են փոխանակել երկկողմ հարաբերությունների, Պաղեստինի Գազայի հատվածի շուրջ վերջին զարգացումների, հրադադարի շուրջ բանակցությունների և Պաղեստինի խնդրի լուծման մասով Թուրքիայի կողմից պաշտոպանապես ընդունված լուծման տարբերակի՝ «2 պետություն» մոդելի վերաբերյալ:
Գործընկերներն անդրադարձել են նաև Սիրիայում և Ուկրաինայում տիրող իրավիճակին: Խոսվել է աֆրիկյան երկրներում տիրող լարված իրավիճակի և բախումների լուծման ուղղությամբ առկա տեսակետների մասին ևս:
Նշվում է, որ Ֆիդանն ու Բլինքենը զուգահեռ քննարկել են ՆԱՏՕ-ին հետաքրքրող հարցերը, նախքան Հյուսիսատլանտյան դաշինքի անդամ պետությունների արտգործնախարարների ոչ պաշտոնական ժողովի մեկնարկը:
Հիշեցնենք, որ ժողովը մեկնարկել է մայիսի 30-ին և ավարտվելու է մայիսի 31-ին: Օրակարգում են նաև ՆԱՏՕ անդամ պետությունների առաջնորդների ԱՄՆ-ում անցկացվելիք գագաթնաժողովի նախապատրաստական աշխատանքները:
Այս ենթաբաժնի վերջին նորությունները
Թուրքիայի և Ռուսաստանի արտաքին գործերի նախարարները հանդես են եկել համատեղ մամուլի ասուլիսով։
Ջևդեթ Յըլմազը նշել է, որ Թուրքիան և Ադրբեջանը կիսում են «Միջին միջանցք»-ի տեսլականը։
Մայիսի 27-ին նախատեսված է հանդիպում ՌԴ արտգործնախարար Սերգեյ Լավրովի հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |