Թուրքիան ժամանակավորապես կդադարեցնի Ռուսաստանից ցորենի ներկրումը

Տնտեսական16:40, 11 Հունիս 2024

Թուրքիան ժամանակավորապես կդադարեցնի Ռուսաստանից ցորենի ներկրումը

Թուրքական մամուլում տարածվող տեղեկությունների համաձայն՝ Թուրքիան որոշակի ժամանակահատվածով դադարեցնում է Ռուսաստանից ցորենի ներկրումը:

Թուրքիայի գյուղատնտեսության նախարարության տարածած հայտարարության մեջ նշվում է, որ ցորեն չի ներկրվելու մասնավորապես ընթացիկ տարվա հունիսի 21-ից մինչև հոկտեմբերի 15-ը:

Ռուսական կողմն արձագանքել է որոշմանը: Ռուսաստանի գյուղատնտեսության նախարարության կողմից ի պատասխան հայտարարություն է տարածվել նախարար Օքսանա Լուտինի՝ հացահատիկի արտահանմամբ զբաղվող ընկերությունների հետ ունեցած հանդիպումից հետո:

Նշվել է, որ թուրքական կողմի որոշումը չի ազդելու Ռուսաստանի արտահանման ներուժի վրա, ավելին, ընդգծվել է, որ ռուս արտահանողները կենտրոնանալու են հացահատիկը դեպի Մերձավոր Արևելք, Հյուսիսային Աֆրիկա, Չինաստան և Հնդկաստան արտահանելու վրա:

Շեշտվել է նաև, որ նկատվում է դեպի Հնդկաստան և Չինաստան հացահատիկի ու լոբազգիների արտահանման ծավալներն ավելացնելու պոտենցիալ:

«Հանդիպման մասնակիցները միակարծիք են եղել այն հարցում, որ Թուրքիայի կողմից ներկրկման դադարեցումը չի ազդի արտահանման ներուժի վրա»,-ասվել է հայտարարության մեջ:

Աղբյուր` sozcu.com.tr

Այս ենթաբաժնի վերջին նորությունները

15:43, 03 դեկտ

Ռուսաստանում փորձում են կանխել «‎թուրքական սցենարի»‎ կրկնումը

Վերլուծաբանները նշում են, որ Ռուսաստանի Կենտրոնական բանկը կոշտ դրամավարկային քաղաքականություն է իրականացնում՝ նման սցենարը կանխելու համար։

16:16, 29 նոյ

Տնտեսագետ. «Մեծ անորոշություն կա, թե հայ-թուրքական սահմանի բացման դեպքում Թուրքիան ինչ մաքսային քաղաքականություն կվարի»

Լիլիա Ամիրխանյանը Ermenihaber.am-ի հետ զրույցում նշել է, որ հայ-թուրքական սահմանի բացման հարցում տնտեսական էֆեկտները գնահատելու հետ կապված անորոշությունը շատ մեծ են։