Քաղաքական09:36, 12 Հունիս 2024
Հանդիպել են Ֆիդանն ու Պուտինը
Թուրքիայի արտգործնախարարը Ռուսաստանի Նիժնի Նովգորոդ քաղաքում անցկացվող BRICS-ի անդամ պետությունների արտգործնախարարների հանդիպման շրջանակներում շարունակում է շփումներ ունենալ:
ԲՐԻԿՍ-ը (անգլ.՝ BRICS — Brazil, Russia, India, China, South Africa բառերի հապավում) 9 երկրի միջազգային տնտեսական միություն է: Այն հիմնվել է 2006-ին:
Հունիսի 11-ին նա հանդիպել է ՌԴ նախագահ Վլադիմիր Պուտինի հետ:
Ինչպես հայտնում է թուրքական արտաքին քաղաքական գերատեսչությունը, Ֆիդան-Պուտին հանդիպումը տեղի է ունեցել Կրեմլում:
Ֆիդանը նախ Պուտինին է փոխանցել Թուրքիայի նախագահ Ռեջեփ Թայիփ Էրդողանի ողջույնի խոսքերը, ապա, անդրադառնալով երկկողմ հարաբերություններին, ասել.
«Երկու երկրի միջև առկա հարաբերություններն իրապես չափազանց լավ են ընթանում: Առևտրի հարցում քայլեր իրականացնելու անհրաժեշտություն կա»:
Թուրքիայի արտգործնախարարը ՌԴ նախագահի հետ զրույցում նշել է, որ թուրքական կողմը վճռական է շարունակելու Ուկրաինայի հարցում յուարաքանչյուր տեսակի միջնորդական գործողությունները:
Անդրադարձ է կատարվել նաև Սիրիայի հարցին, ինչի համատեքստում Ֆիդանն ընդգծել է Էրդողանի և Պուտինի կողմից ձեռնարկված կայունության քաղաքականությունը շարունակելու համար բոլոր հնարավոր քայլերի իրականացման մասին:
Պուտինն իր հերթին Ֆիդանի ընդունելության ժամանակ խոսել է BRICS-ի նկատմամբ Թուրքիայի դրսևորած հետաքրքրության մասին և հայտնել, որ ռուսական կողմն այն ողջունում է:
Անդրադարձ է կատարվել անվտանգային և տնտեսական համագործակցությանը: ՌԴ նախագահը շեշտել է երկու երկրների միջև այդ ոլորտներում ունեցած փոխազդեցությունն էլ ավելի մեծացնելու անհրաժեշտությունը:
Ռուսաստանի առաջնորդը նկատել է նաև, որ Թուրքիա-Ռուսաստան հարաբերությունները զարգանում են և հայտնել դրա նկատմամբ ունեցած իր դրական մոտեցումը:
«Իհարկե, բոլոր զարգացումներն իմ ընկերոջ՝ Ռեջեփ Թայիփ Էրդողանի գլխավորությամբ և ուղղակի աջակցությամբ է իրականանում»,-հավելել է նա:
Պուտինը երկկողմ առևտրաշրջանառության մասին ևս խոսել է ու չնայած 2024-ին նախորդ տարում գրանցված աճի ցուցանիշների անկմանը, նա հույս է հայտնել, որ իրավիճակը կշտկվի:
Բացի այդ նա շնորհակալություն է հայտնել ուկրաինական ճգնաժամի կարգավորման նպատակով թուրքական կողմի տրամադրած Ստամբուլի հարթակի համար:
Անդրադառնալով Սևծովյան հացահատիկի միջանցքին և դրա շուրջ կնքված համաձայնագրին՝ Պուտինը նշել է.
«Ցավոք համաձայնագիրը չերկարացվեց և դա մեր մեղավորությունը չէ»:
Նույն կերպ Պուտինը բարձր է գնահատել Սիրիայի ճգնաժամի հարցում Թուրքիայի ունեցած դերը:
ՌԴ նախագահը նաև հայտնել է, որ հուլիսի 3-ից 4-ն Էրդողանը միջազգային մի միջոցառման շրջանակներում լինելու է Աստանայում և նրանք հանդիպելու են միմյանց:
«Որքանով որ գիտեմ Էրդողանը լինելու է Աստանայում: Նրա հետ կհանդիպենք և բոլոր հարցերը քննարկելու հնարավորություն կունենանք»,-եզրափակել է Պուտինը:
Այս ենթաբաժնի վերջին նորությունները
Թուրքիայի նախագահը լրագրողների հետ զրույցում. «Ես ցանկանում եմ, որ նա, ով նախագահ ընտրվի, չվարվի նախորդ ղեկավարի պես»:
Թուրքիայի նախագահ. «Փաշինյանի հետ հանդիպմանն ավելի շատ առաջին պլան են մղվել Ադրբեջանի և Հայաստանի միջև առկա խնդիրները։ Այս հարցերում տեսա, որ Փաշինյանը դրական մոտեցում ունի»:
Բուսեյնա Շաբանը մասնավորապես նշել է, որ Թուրքիան չի ընդունում Սիրիայից իր զինվորների դուրսբերման բանակցությունները, ուստի այլ հարցերի շուրջ իրենք հրաժարվում են նստել սեղանի շուրջ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Սահմանը Թուրքիան ոչ թե պետք է բարեհաճի բացել, այլ պարտավոր է բացել, որովհետև ցամաքային երկրներին վերաբերող առնվազն 3 միջազգային կոնվեցիա է ստորագրել։
Հայկական արմատներով մտավորական և վավերագրող Նեգահան Ուսքանը Ermeniahaber.am-ի հետ զրույցում պատմել է իր հեղինակած «Sweet Home Adana» վավերագրական ֆիլմի և ֆիլմհերոսի մասին, ով ևս հայ է։
Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։
«Anadolu»-ի թղթակցի հետ զրույցում Fireforce-ի նախագծողը նշել է, որ դրա ստեղծումը տևել է 2 ամիս: Այն արտադրվել է Ադրբեջանի պաշտպանության նախարարության ֆինանսավորմամբ
«Անվերջություն» խորագրով զորավարժությունը անցկացվել է Վրաստանում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |