Ֆիդան.«Բրազիլիան Թուրքիայի ամենամեծ առևտրային գործընկերն է Լատինական Ամերիկայում»

Տնտեսական13:19, 13 Հունիս 2024

Ֆիդան.«Բրազիլիան Թուրքիայի ամենամեծ առևտրային գործընկերն է Լատինական Ամերիկայում»

Թուրքիայի արտգործնախարար Հաքան Ֆիդանը հանդիպել է Բրազիլիայի արտգործնախարար Մաուրո Վիեյրայի հետ։ Հանդիպմանը հաջորդել է մամուլի ասուլիսը, որի ընթացքում արտգործնախարարները անդրադարձել են երկկողմ հարաբերություններին, առևտրաշրջանառությանը և զբոսաշրջության ոլորտին։

Բրազիլիայի արտգործնախարարը նշել է, որ երկու երկրների միջև հարաբերությունները գալիս են Օսմանյան Կայսրության շրջանից և վերջին տարիներին գնալով ավելի են ամրապնդվում։

Ֆիդանն էլ իր հերթին նշել է, որ Թուրքիայի նախագահ Ռեջեփ Թայիփ Էրդողանի և Բրազիլիայի նախագահ Լուիս Ինասիու Լուլա դա Սիլվանի միջև անկեղծ բարեկամությունը դրականորեն է ազդում երկրների միջև հարաբերությունների վրա։

«Երկու երկրների նախագահները մի շարք միջազգային հարցերի շուրջ կիսում են նույն զգայունությունը և տեսլականները ու չնայած երկրների աշխարհագրական հեռավորությանը միմյանց հետ չափազանց սերտ երկխոսության մեջ են գտնվում»,-հայտարարել է Ֆիդանը։

Ըստ Ֆիդանի՝ հանդիպման ընթացքում քննարկվել են երկողմ հարաբերությունների բոլոր ասպեկտները և պայմանավորվածություն են ձեռք բերվել զարգացնել քաղաքական, տնտեսական և մշակութային հարաբերությունները։

Թուրքիայի արգործնախարարը, խոսելով երկողմ առևտրային հարաբերությունների մասին, նշել է, որ Բրազիլիան Թուրքիայի ամենամեծ առևտրային գործընկերն է Լատինական Ամերիկայում։

«Առևտրի ծավալը նախորդ տարվա դրությամբ հասել է 5 մլրդ դոլարի։ Նպատակ ունենք այն ավելի մեծացնել հավասարակշռված ձևով։ Քննարկել ենք նաև թե ինչպես կարող ենք ավելացնել փոխադարձ ներդրումները»։

Աղբյուր` trthaber.com

Այս ենթաբաժնի վերջին նորությունները

13:10, 11 ապր

Թուրքիան Սոմալիում նավթի և բնական գազի որոնման աշխատանքներ կիրականացնի

Թուրքիայի էներգետիկայի և բնական պաշարների ու Սոմալիի հանքային և բնական պաշարների նախարարությունների միջև էներգետիկ համագործակցության համաձայնագիր է կնքվել: