ՌԴ Պետդումայի պատվիրակությունը մեկնել է Թուրքիա՝ քննարկելու էներգետիկ համագործակցությունը

Տնտեսական14:55, 17 Հունիս 2024

ՌԴ Պետդումայի պատվիրակությունը մեկնել է Թուրքիա՝ քննարկելու էներգետիկ համագործակցությունը

Ռուսաստանի Դաշնության Պետդումայի պատվիրակությունը աշխատանքային այցով մեկնել է Թուրքիա՝ քննարկելու էներգետիկ համագործակցության առաջնահերթ ոլորտները։ Այցի շրջանակներում Պետդումայի էներգետիկայի հանձնաժողովի նախագահ Պավել Զավալնին, Թուրքիայի խորհդրարանի հետ հարաբերությունների խորհրդարանական խմբի համակարգող Օթարի Արշբան և Անկարայում ՌԴ-ի դեսպան Ալեքսեյ Էրխովը հանդիպել են Անկարայում ՌԴ դեսպանատան մամուլի ներկայացուցիչների հետ։

Զավալնին հայտարարել է, որ մեծ ջանքեր են գործադրվում, որպեսզի 2025-ին Աքքույու ատոմակայանի առաջին բլոկը շահագործման հանձնվի և հավելել, որ Աքքույուն աշխարհի ամենագեղեցիկ և ամենաարդյունավետ միջուկային կայանն է, քանի որ այդ ատոմակայանի համար ստեղծվել է առանձնահատուկ նախագիծ։

Այցի շրջանակներում Զավանին հանդիպումներ է ունեցել Թուրքիայի առևտրի և բնական պաշարների նախարարությունում, որտեղ քննարկվել է Թուրքիայի և ՌԴ-ի միջև էներգետիկ համագործակցությունը։

«Հնարավորություն ունեցանք քննարկելու բազմաթիվ հարցեր։ Քննարկվող թեմաներից մեկը Թուրքիայում գազային հաբի ստեղծումն է։ Գործող «Թուրքական հոսք» խողովակաշարով փոխանցվում է 13 մլրդ խմ բնական գազ։ Հաշվի առնելով եվրոպական երկրների մեր գազի նկատմամբ հետաքրքրության մեծացումը՝ Թուրքիան այս համագործակցության մեջ իր շահերին համապատասխան դերակատարում կունենա և կբավարարի երկու երկրների կարիքները»,- նշել է Պետդումայի էներգետիկայի հանձնաժողովի նախագահը։

Ըստ նրա՝ երկու երկրներն առաջիկա տարիներին կարող են համագործակցել հիդրոէլեկտրակայանների արտադրության սարքավորումների նորացման և արդիականացման, ինպես նաև ածխի վրա հիմնված էներգիայի արտադրության, ածխի հանքավայրերում պաշարների ուսումնասիրության, արևային էներգիայի արտադրության ոլորտներում։

Այսպիսով մեր հնարավորությունները համատեղելով՝ կարող ենք սկսել որոշ ապրանքներ ատադրել, որոնք կարող են գնալ միգուցե Մերձավոր Արևելքի, միգուցե աֆրիկյան երկրների և այլ շուկաներ»-, նշել է Զավալնին։

Աղբյուր` aksam.com.tr

Այս ենթաբաժնի վերջին նորությունները

15:43, 03 դեկտ

Ռուսաստանում փորձում են կանխել «‎թուրքական սցենարի»‎ կրկնումը

Վերլուծաբանները նշում են, որ Ռուսաստանի Կենտրոնական բանկը կոշտ դրամավարկային քաղաքականություն է իրականացնում՝ նման սցենարը կանխելու համար։

16:16, 29 նոյ

Տնտեսագետ. «Մեծ անորոշություն կա, թե հայ-թուրքական սահմանի բացման դեպքում Թուրքիան ինչ մաքսային քաղաքականություն կվարի»

Լիլիա Ամիրխանյանը Ermenihaber.am-ի հետ զրույցում նշել է, որ հայ-թուրքական սահմանի բացման հարցում տնտեսական էֆեկտները գնահատելու հետ կապված անորոշությունը շատ մեծ են։