Քաղաքական12:02, 25 Հունիս 2024
Հաքան Ֆիդանը խոսել է Պուտինի հետ հանդիպումից և նրա՝ Թուրքիա կատարելիք այցից
![Հաքան Ֆիդանը խոսել է Պուտինի հետ հանդիպումից և նրա՝ Թուրքիա կատարելիք այցից](https://www.ermenihaber.am/news_images/93/278753_1/0315.png)
Թուրքիայի արտգործնախարար Հաքան Ֆիդանը մանրամասներ է ներկայացրել հունիսի 11-ին Ռուսաստանի նախագահ Վլադիմիր Պուտինի հետ ունեցած հանդիպման վերաբերյալ:
Ֆիդանը հայտնել է, որ Ռուսաստանի նախագահին է փոխանցել Թուրքիայի նախագահ Ռեջեփ Թայիփ Էրդողանի ուղերձները:
«Մենք դրանք մանրամասն քննարկելու հնարավորություն ունեցանք»:
Թուրք նախարարը կարևորել է Ռուսաստանի և Թուրքիայի միջև հաջողված համագործակցությունը Սիրիայի առումով:
«Մեր և Ռուսաստանի համար սիրիական տարածքը չափազանց կարևոր է, երկկողմ համագործակցության մեջ էներգետիկ հարցերն էլ չափազանց կարևոր են»,- հավելել է նա:
Ֆիդանը նշել է, որ հանդիպման ընթացքում խոսվել է նաև Ուկրաինայի խնդրի վերաբերյալ, ինչը ևս Թուրքիայի համար մեծ կարևորություն ունի:
Այս համատեքստում Թուրքիայի արտգործնախարարը ներկայացրել է թուրքական կողմի դիրքորոշումը և մտահոգություն հայտնել այն մասին, որ պատերազմի շարունակակությունը կարող է էլ ավելի մեծացնել ռիսկը՝ աշխարհին և տարածաշրջանին նյութական վնասներ պատճառելու տեսանկյունից:
«Աշխարհագրությունը մեթոդային ձևով կարող է ընդլայնվել: Միջուկային զենքերը կարող են օրակարգ բերվել: Այս մտքին եմ հանգել Չինաստան և Ռուսաստան ունեցած այցի ընթացքում»:
Ֆիդանը հայտնել է նաև, որ Պուտինից բացի հանդիպումներ են ունեցել այլ պաշտոնյաների հետ և նրանց փոխանցել, որ Ուկրաինայի խնդրի լուծման հարցում խաղաղությունը պետք է հիմք հանդիսանա, իսկ Ռուսաստանը պետք է հստակեցնի իր դիրքորոշումը:
Նա կարևորել է հանդիպումից 2 օր անց Պուտինի կողմից պատերազմի դադարեցման վերաբերյալ կետ առ կետ Ռուսաստանի պայմանների ներկայացումը ևս:
Թուրքական արտաքին քաղաքական գերատեսչության ղեկավարը նշել է, որ առաջիկայում Պուտինին սպասում են տեսնել Թուրքիայում և տեղեկացրել, որ այդ առումով Էրդողանը հրավեր է ուղարկել նրան:
«Կարծում եմ առաջիկա օրերին կահնդիպեն և կզրուցեն այս հարցերի շուրջ»:
Այս ենթաբաժնի վերջին նորությունները
![Էրդողան.«Սիրիայի հետ դիվանագիտական հարաբերությունները չվերականգնելու պատճառ չկա»](https://www.ermenihaber.am/news_images/94/279292_2/0adb5303_6642_40f7_a543_8d666802e479_16x9_1200x676.thumb.jpg)
Թուրքիայի նախագահ Ռեջեփ Թայիփ Էրդողանը ուրբաթօրյա աղոթքից հետո պատասխանել է լրագրողների հարցերին։
![Էրդողանը. «Եվրամիությանը լիարժեք անդամակցելը մեր ռազմավարական նպատակն է»](https://www.ermenihaber.am/news_images/94/279193_1/0264.thumb.jpg)
Թուրքիայի նախագահ հանդիպել է Էստոնիայի նախագահ Ալար Քարիսի հետ:
![ԱՄՆ-ն ողջունում է Իրաքյան Քուրդիստանում խորհրդարական ընտրությունների անցկացումը](https://www.ermenihaber.am/news_images/94/279171_1/31545.thumb.jpg)
ԱՄՆ պետդեպարտամենտի խոսնակը մամուլի ասուլիսի ընթացքում պատասխանել է Իրաքյան Քուրդիստանում խորհրդարանական ընտրությունների անցկացման մասին հարցին:
Ուղիղ խոսք
![Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում](https://www.ermenihaber.am/news_images/55/163609_2/erdogan_1552_3879.jpg)
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |