Քաղաքական10:34, 02 Հուլիս 2024
Սիրիայում թուրքական բեռնատարները հարձակման են ենթարկվել (Տեսանյութ)
![Սիրիայում թուրքական բեռնատարները հարձակման են ենթարկվել (Տեսանյութ)](https://www.ermenihaber.am/news_images/94/279470_1/01561.jpg)
Թուրքիայում սիրիացիների դեմ իրականացված հարձակումներին ի պատասխան սիրիացիները հարձակվել են Սիրիա մուտք գործած թուրքական բեռնատարների վրա:
Սոցցանցերում տեղ գտած տեսանյութերում երևվում է, որ հարձակման է ենթարկվել Բաբյուլ Սելամ սահմանային անցակետից Էլ Բաբ մուտք գործած թուրքական բեռնատարը: Ամբոխը փայտերով կոտրել է նաև մեքենայի պատուհանները:
Հարձակումն իրականացրած սիրիացիների գործողություններն ուղղորդվել են «Ալլահ Աքբար» վանկարկումներով:
Նմանատիպ դեպք է գրանցվել Աֆրինում (Սիրիայի հյուսիս) ևս: Նշվում է նաև, որ վանկարկումներով ուղեկցվող հակաթուրքական ակցիաներին զուգահեռ Սիրիայի որոշ շրջաններում զինված բախումներ են տեղի ունեցել:
Սիրիական աղբյուրները հայտնում են 1 մարդու մահվան, և ևս 7-ի վիրավորում ստանալու մասին:
Հարձակումներ են գրանցվել նաև Աֆրինում գտնվող Թուրքիայի «նահանգապետարանի» շենքի ուղղությամբ, հնչեցվել են նաև հակաթուրքական վանկարկումներ:
Այս իրադարձության մասին տեղեկատվության աղբյուր հանդիսացող «Սիրիայի մարդու իրավունքների մշտադիտարկման կենտրոնի» աշխատակիցները պնդում են, որ Սիրիայում տեղի ունեցողը հունիսի 30-ին Թուրքիայում հակասիրիական գործողությունների հետևանք են:
Հիշեցնենք, որ Թուրքիայի կենտրոնական Կայսերի (Կեսարիա) նահանգի Մելիքգազը շրջանի Դանըշմենթգազի թաղամասում մի խումբ մարդիկ հարձակվել էին սիրիացիներին պատկանող աշխատատեղերի և մեքենաների վրա:
Դեպքի վայրում տեղի ունեցածի հետևանքով վիրավորվել էր ոստիկանության 10 աշխատակից:
Ավելի վաղ լուրեր էին տարածվել մի սիրիացի տղամադրու կողմից երեխայի նկատմամբ սեռական ոտնձգություն իրականացնելու մասին, ինչն էլ պատճառ էր հանդիսացել դեպքերի նման զարգացման:
Կայսերիի նահանգապետը հանդես էր եկել դեպքի մասին հայտարարությամբ, նշելով, որ բռնություն իրականացնելու համար կասկածվող անձը ձերբակալվել է, իսկ երեխան գտնվում է հատուկ վերահսկողության ներքո:
Նահանգի ոստիկանապետ Աթանուր Այդընն էլ հայտարարել էր, որ կասկածյալն իր ընտանիքի հետ միասին աքսորվելու է երկրից:
Թուրքիայում տեղի ունեցած դեպքերին հաջորդել էին հուլիսի 1-ին Սիրիայի մի շարք շրջաններում բողոքի ակցիաները, որի ընթացքում այրվել և ապամոնտաժվել են Սիրիայի տարբեր շրջաններում տեղակայված թուրքական դրոշները:
Թուրքիայի ռազմաբազաների մոտ հավաքված ամբոխին կանգնեցնելու համար թուրքական ԶՈՒ-ն նույնիսկ կրակ է բացել դեպի օդ:
????Kayseri'de Suriyelilere yönelik saldırının ardından, Türkiye'den Suriye'ye giriş yapan TIR’lara saldırılar düzenlendi, Türk bayrakları yırtıldı
— Rudaw Türkçe (@RudawTurkce) July 1, 2024
????Efrin'de düzenlenen Türkiye'yi protesto gösterisinde 1 kişi öldü
???? https://t.co/8WiR9ebLe0 pic.twitter.com/qGPJUCCPf9
Այս ենթաբաժնի վերջին նորությունները
![Էրդողանի նախկին խորհրդական. «Իշխանությունը խրվել և մնացել է Ասադի ու ÖSO-ի արանքում»](https://www.ermenihaber.am/news_images/94/279823_1/06564.thumb.jpg)
Ներկայումս թուրքական «Karar» թերթի հոդվածագիր Աքիֆ Բեքին գնահատականներ է տվել թուրք-սիրիական ազգամիջյան բախումների ֆոնին Սիրիայի գծով Թուրքիայի պետական քաղաքականությանը:
![Էրդողանը հանդիպել է Կատարի էմիրի և Մոնղոլիայի նախագահի հետ](https://www.ermenihaber.am/news_images/94/279821_2/f4b745fe_30d8_45a4_aac4_090817641ee5.thumb.jpg)
Թուրքիայի նախագահն Աստանա կատարած այցի շրջանակներում մասնակցել է «Շանհայի համագործակցության կազմակերպության ղեկավարների 24-րդ գագաթնաժողովին»։
![ԺՀԿ խոսնակ. «Երկրում առկա գաղթականների խնդրի գլխավոր պատասխանատուն անձամբ Էրդողանն է»](https://www.ermenihaber.am/news_images/94/279814_1/026.thumb.jpg)
Թուրքիայում գլխավոր ընդդիմադիր ուժ համարվող կուսակցության ներկայացուցիչ Դենիզ Յուջելն անդրադարձել է թուրք-սիրիական ազգամիջյան բախումներին:
Ուղիղ խոսք
![Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում](https://www.ermenihaber.am/news_images/55/163609_2/erdogan_1552_3879.jpg)
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքական «Areda Survey» հետազոտական ընկերությունը սոցհարցում է անցկացրել մայիսի 19-ին Իրանի նախագահի մահվան մասին:
«RTÜK»-ը նշել է, որ նման որոշումը կայացվել է նախկինում կայացված որոշումներին չհետևելու և ցուցումներին հակառակ գործելաոճի շարունակականության պատճառով:
Սաուդական պետական «SAMI» և թուրքական 3 ընկերության միջև համագործակցության մասին փոխըմբըռնման հուշագիր է ստորագրվել:
Հայտնի է դարձել հուլիսի 3-ին Աստանայում կայացած Թուրքիայի նախագահ Ռեջեփ Թայիփ Էրդողանի և ՌԴ նախագահ Վլադիմիր Պուտինի փակ հանդիպման օրակարգը:
Նշվում է, որ Էրդողանը մեկնում է Գերմանիա՝ անձամբ ներկա գտնվելու և դիտելու ԵՎՐՈ-2024-ի Թուրքիա-Հոլանդիա հանդիպումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |