Ռազմական16:20, 04 Հուլիս 2024
Թուրքիան և Սաուդիան Արաբիան կհամագործակցեն ռազմարդյունաբերության ոլորտում
Թուրքիայի իշխանությունները մտադիր են խորացնել իրենց հարաբերությունները Սաուդիան Արաբիայի հետ:
Հայտնի է դարձել, որ Սաուդիան Արաբիայի պետական «SAMI» ընկերությունը համագործակցելու է թուրքական ռազմա-արդյունաբերական ընկերությունների հետ: Վերջիններս համատեղ արտադրանք են տալու:
Նշվում է, որ սաուդական երկիրը մտադիր է համագործակցության շեշտը դնել թուրքական «Aselsan» և «Baykar» ռազմա-արդյունաբերական ընկերությունների հետ:
Այս համատեքստում «SAMI»-ը թուրքական ընկերությունների հետ համագործակցութայն մասին 3 հուշագիր է կնքել:
Բացի ռազմարդյունաբերական վերոնշյալ ընկերություններից համատեղ աշխատանքի մասին փաստաթուղթ է կնքվել նաև թուրքական օդատիեզերական «Fergani» ընկերության հետ:
Փաստաթղթերը ստորագրվել են Սաուդիան Արաբիայի պաշտպանության նախարար Հալիդ Բին Սելման Էլ Սաուդի և ռազմարդյունաբերության նախագահ Հալուք Գյորգյունի մասնակցությամբ կազմակերպված միջոցառմանը:
Գյուգյունի՝ X-ի (Twitter) իր սոցհաշվում տարածած գրառման մեջ ասվում է. «Երկու երկրի ընկերություններն այս ստորագրություններով կարևոր քայլ են արել իրենց ուժերը համատեղելու համար»:
Հատկանշական է նաև, որ Թուրքիայի և Սուդիան Արաբիայի հարաբերությունների խորացումը անարձագանք չի մնացել թուրքական մեդիայում:
Թե՛ իրադարձության մասին տարածվող լուրերում և թե սոցհարթակներում ուշագրավ է հետևյալ գրառումը. «Ջեմալ Խաշոկջիի սպանության դատավարության՝ Ռիադ տեղափոխվելուց և փակվելուց հետո իշխանությունը խորացնում է հարաբերությունները Սաուդիան Արաբիայի հետ»:
Ջեմալ Խաշոկջի - սաուդցի լրագրող, ով սպանվել էր Ստամբուլում գտնվող սեփական երկրի հյուպատոսարանում:
Հիշեցնենք, որ Սաուդը հուլիսի 2-ին հանդիպում էր ունեցել Թուրքիայի նախագահ Ռեջեփ Թայիփ Էրդողանի և ՊՆ նախարար Յաշար Գյուլերի հետ:
Այս ենթաբաժնի վերջին նորությունները
Էլեկտրոնային պատերազմի թուրքական համակարգերը լիովին խաթարել էին Ասադի ռեժիմի ռազմական հաղորդակցության ենթակառուցվածքը Սիրիայում։
Դեկտեմբերի 18-ին տեղի է ունեցել Թուրքիա-Ադրբեջան ռազմական երկխոսության բարձր մակարդակի 16-րդ ժողովը։
Սա առաջին դեպքն է երբ Թուրքիան Եվրամիության և ՆԱՏՕ անդամ երկրի ռազմանավ է մատակարարելու:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի և Գերմանիայի արտգործնախարարներն անդրադարձել են Թուրքիա-ԵՄ հարաբերություններին, Հայաստան-Ադրբեջան գործընթացին և Սիրիայում տիրող իրավիճակին։
Էլեկտրոնային պատերազմի թուրքական համակարգերը լիովին խաթարել էին Ասադի ռեժիմի ռազմական հաղորդակցության ենթակառուցվածքը Սիրիայում։
Ֆիդանն ընդգծել է, որ Թուրքիան պատրաստ է աջակցություն ցուցաբերել Սիրիայի ժողովրդի կարիքները հոգալու գործին։
Հայոց ցեղասպանության թանգարան-ինստիտուտին գորգը նվիրաբերել է Կալիֆորնիայի նահանգային համալսարանի ուսուցիչ, դոկտոր Վահրամ Շեմմասյանը:
Հունական «Kathimerini» թերթը գրում է, որ Աթենքը նախապատրաստական աշխատանքներ է տանում դրա դեմ և պնդում, որ համաձայնագրի կնքմամբ Կիպրոսը կհայտնվի շրջափակման մեջ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |