Քաղաքական09:58, 04 Հուլիս 2024
Էրդողան. «Մենք թույլ չենք տա ահաբեկչական պետության ստեղծում՝ մեր սահմանների կողքին»
![Էրդողան. «Մենք թույլ չենք տա ահաբեկչական պետության ստեղծում՝ մեր սահմանների կողքին»](https://www.ermenihaber.am/news_images/94/279730_1/098479.jpg)
Հայտնի է դարձել հուլիսի 3-ին Աստանայում կայացած Թուրքիայի նախագահ Ռեջեփ Թայիփ Էրդողանի և ՌԴ նախագահ Վլադիմիր Պուտինի փակ հանդիպման օրակարգը:
Ինչպես հայտնում է Թուրքիայի նախագահականի հանրային կապերի վարչությունը, երկկողմ հարաբերություններից զատ կողմերն ահնդրադարձել են Ուկրաինա-Ռուսաստան հակամարտության շուրջ տիրող իրավիճակին, Իսրայելի կողմից Պաղեստինի տարածքներում իրականացվող հարձակումներին և Սիրիայում տիրող լարվածությանն ու ահաբեկչության դեմ պայքարին:
Էրդողանն ընդգծել է ռուս-ուկրաինական հակամարտության դադարեցման, հրադադարի հաստատման, խաղաղության համար հիմք ստեղծելու և երկու կողմերի համար ընդունելի տարբերակով խաղաղության հասնելու հնարավոր լինելը:
Թուրքիայի նախագահը, խոսելով Իսրայելի կողմից Պաղեստինի և Լիբանանի նկատմամբ ստեղծվող սպառնալիքների մասին, շեշտել է, որ Իսրայելը թիրախավորվում է տարածաշրջանային և համաշխարհային խաղաղությունն ու հանգստությունը:
Նա ասել է, որ հակամարտությունների ընդլայնումը տարածաշրջանի երկրներին մեծ վնաս է հասցնելու և այդ համատեքստում ընդգծել միջազգային հանրության՝ Իսրայելին կանգնեցնելու ուղղությամբ սևեռվելու անհրաժեշտությունը:
Խոսվել է նաև ահաբեկչության դեմ պայքարի մասին, ինչի համատեքստում էլ Էրդողանը շեշտել է համագործակցության պատրաստակամության մասին:
«Թուրքիան վճռականորեն թույլ չի տալու իր սահմանների կողքին տերորիստան (ահաբեկչական պետություն) ստեղծել»,-ասել է նա:
Հիշեցնենք, որ Էրդողանը Ղազախստանի մայրաքաղաք Աստանա էր մեկնել հուլիսի 3-ին՝ մասնակցելու «Շանհայի համագործակցության կազմակերպության» (ՇՀԿ) անդամ երկրների ղեկավարների 24-րդ գագաթնաժողովին:
Այս ենթաբաժնի վերջին նորությունները
![Էրդողանի նախկին խորհրդական. «Իշխանությունը խրվել և մնացել է Ասադի ու ÖSO-ի արանքում»](https://www.ermenihaber.am/news_images/94/279823_1/06564.thumb.jpg)
Ներկայումս թուրքական «Karar» թերթի հոդվածագիր Աքիֆ Բեքին գնահատականներ է տվել թուրք-սիրիական ազգամիջյան բախումների ֆոնին Սիրիայի գծով Թուրքիայի պետական քաղաքականությանը:
![Էրդողանը հանդիպել է Կատարի էմիրի և Մոնղոլիայի նախագահի հետ](https://www.ermenihaber.am/news_images/94/279821_2/f4b745fe_30d8_45a4_aac4_090817641ee5.thumb.jpg)
Թուրքիայի նախագահն Աստանա կատարած այցի շրջանակներում մասնակցել է «Շանհայի համագործակցության կազմակերպության ղեկավարների 24-րդ գագաթնաժողովին»։
![ԺՀԿ խոսնակ. «Երկրում առկա գաղթականների խնդրի գլխավոր պատասխանատուն անձամբ Էրդողանն է»](https://www.ermenihaber.am/news_images/94/279814_1/026.thumb.jpg)
Թուրքիայում գլխավոր ընդդիմադիր ուժ համարվող կուսակցության ներկայացուցիչ Դենիզ Յուջելն անդրադարձել է թուրք-սիրիական ազգամիջյան բախումներին:
Ուղիղ խոսք
![Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում](https://www.ermenihaber.am/news_images/55/163609_2/erdogan_1552_3879.jpg)
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |