Քաղաքական09:44, 08 Հուլիս 2024
Էրդողանն ակնարկել է Ասադին հանդիպման հրավեր անելու մասին
Թուրքիայի նախագահ Ռեջեփ Թայիփ Էրդողանը Գերմանիայից վերադառնալիս՝ ինքնաթիռում պատասխանել է լրագրողների հարցերին:
Էրդողանը, անդրադառնալով Սիրիայի հետ հարաբերություններին, նշել է.
«Հիմա մենք հասել ենք այնպիսի կետի, որ եթե Բաշար Ալ Ասադը Թուրքիայի հետ հարաբերությունների կարգավորման համատեքստում քայլ անի, մենք պատասխան մոտեցում կցուցաբերենք: Որովհետև մենք Սիրիայի հետ թշնամիներ չենք, մենք Ասադի հետ ընտանիքներով էինք հանդիպում»:
Թուրքիայի նախագահականի հանրային կապերի վարչության հաղորդագրության համաձայն՝ Էրդողանը հնարավոր է համարել յուրաքանչյուր պահի հրավեր անելը:
«Մենք մեր հրավերը կանենք: Աստված տա: Մենք ցանկանում ենք, որ այդ հրավերի հետ միասին Թուրքիա-Սիրիա հարաբերությունները բերենք այն կետի, որտեղ դրանք նախկինում էին: Մեր հրավերը կարող է լինել յուրքանչյուր պահի»,-ասել է նա:
Բացի այդ, Էրդողանը նշել է, որ Թուրքիայում հանդիպման կայանալու հարցում իրենց մոտեցումներն ունեն թե՛ ՌԴ նախագահը և թե Իրաքի վարչապետը:
«Մենք բոլոր տեղերում խոսում ենք մեր սահմաններում գտնվողների, հարևանների միջնորդությունից. իսկ ինչու՞ ոչ»,-եզրափակել է նա:
Հիշեցնենք, որ Էրդողանը Գերմանիա էր մեկնել «Euro 2024» ֆուտբոլային մրցաշարի 1/8-րդ եզրափակչի շրջանակներում Թուրքիա-Հոլանդիա խաղը դիտելու:
Այս ենթաբաժնի վերջին նորությունները
Ըստ պրոֆեսորի՝ Ահմեդ ալ-Շարայի կողմից ձևավորված նոր կառավարությունում կան Թուրքիայի քաղաքացիներ, ինչն ավելի է մեծացրել Թուրքիայի ազդեցությունը։
Փաստաթղթերը ստորագրվել են թուրքական «ESTA» և իստալական «Micoperi» ընկերությունների հետ:
Կառավարության նիստից հետո Թուրքիայի նախագահը դժգոհել է Սիրիայում գործող որոշ ուժերի վարքագծից:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Թուրք քաղաքապետը հակահայկական գրառում էր արել, ինչի համար Նուրհան Չեթինքայան հանցագործության մասին հաղորդում էր տվել Ստամբուլի դատախազություն։
Այդ քայլը թուրքական մամուլում մեծ տարածում է գտել և որակվել որպես դավաճանություն Թուրքիային և Հյուսիսային Կիպրոսի ինքնահռչակ թուրքական հանրապետությանը։
Օքթայ Սարալը Հայկո Ջեփքինին որակել է որպես երաժիշտի նմանակ, իսկ նրա արվեստը՝ անորոշ:
Թուրքական մամուլում վերոնշյալը ներկայացվել է որպես հակաթուրքական լոբբի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |