Քաղաքական11:24, 12 Հուլիս 2024
Էրդողանն ու Մակրոնը քննարկել են հայ-ադրբեջանական գործընթացը
Թուրքիայի նախագահ Ռեջեփ Թայիփ Էրդողանը ԱՄՆ կատարած այցի շրջանակներում առանձին հանդիպել է Ֆրանսիայի նախագահ Էմանուել Մակրոնի և Ուկրաինայի նախագահ Վոլոդիմիր Զելենսկու հետ։
Մակրոնի հետ հանդիպման ընթացքւմ կողմերը քննարկել են Թուրքիա-Ֆրանսիա հարաբերությունները, ռուս-ուկրաինական և արաբաիսրայելական հակամարտությունը, տարածաշրջանային և գլոբալ հարցեր։ Քննարկման հարցերի թվում է եղել նաև հայ-ադրբեջանական հարաբերությունների կարգավորման հարցը։
Մասնավորապես «Հանրապետության նախագահը վերահաստատել է մեր աջակցությունը Հայաստանի և Ադրբեջանի միջև ընթացող երկխոսությանը` հնարավորինս արագ խաղաղության պայմանագրի կնքման նպատակով, որը կարող է նոր էջ բացել տարածաշրջանում»,- ասված է Մակրոնի աշխատակազմի հաղորդագրությունում:
Էրդողանը ընդգծել է երկկողմ հարաբերությունների զարգացման կարևորությունը բոլոր բնագավառներում, ինչպես նաև նշել է, որ Թուրքիայի՝ ԵՄ անդամակցության գործընթացի վերականգնման հարցում ակնկալում է աջակցություն։
Թուրքիայի նախագահը նաև շեշտել է, որ արևմտյան երկրների կողմից «Իսրայելի հրադադարի պահպանման խրախուսումը կնպաստի տարածաշրջանային և համաշխարհային խաղաղությանը» և Ֆրանսիայի համար այս պահին ձեռնտու կլինի կոնկրետ քայլեր ձեռնարկել։
Զելենսկու հետ հանդիպան ընթացքում քննարկվել է ռուս-ուկրաինական հակամարտության ընթացքը,տարածաշրջանային և գլոբալ հարցեր։ Էրդողանը նշել է, որ Թուրքիան շարունակում է ռուս-ուկրաինական պատերազմն «արդար խաղաղությամբ ավարտելու ջանքերը», ինչպես նաև հավելել է, որ աշխատանքներ են սկսվել «Սևծովյան հացահատիկի նախաձեռնության» վերականգնման ուղղությամբ։
Թուրքիայի նախագահը հայտնել է նաև , որ Թուրքիան պատրաստ է ցանկացած նախաձեռնության, այդ թվում՝ միջնորդության՝ հիմք ստեղծելու խաղաղության համար։
Նշենք, որ հանդիպմանը ներկա են գտնվել նաև Թուրքիայի արտգործնախարար Հաքան Ֆիդանը, պաշտպանության նախարար Յաշար Գյուլերը, ազգային հետախուզության կազմակերպության ղեկավար Իբրահիմ Քալընը և նախագահի արտաքին քաղաքականության ու անվտանգության հարցերով խորհրդական, դեսպան Աքիֆ Չաղաթայ Քըլըչը։
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում։
Լոնդոնում կազմակերպվել է նրանց հանդիպումը։
«Անձրևների բացակայությամբ պայմանավորված քաղաքում առկա է այնքան ջուր, որը մոտավորապես կբավարարի 310 օր»,-հայտնել է քաղաքապետարանը։
Ամերիկյան «Global Firepower» կայքը կազմել է2024-ի աշխարհի ամենահզոր ռազմական նավատորմեր ունեցող երկրների ցանկը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |