Թուրքիան մտադիր է Սիրիայի և Իրաքի հետ սահմանի երկայնքով անվտանգային միջանցք ստեղծել

Քաղաքական14:58, 15 Հուլիս 2024

Թուրքիան մտադիր է Սիրիայի և Իրաքի հետ սահմանի երկայնքով անվտանգային միջանցք ստեղծել

Թուրքիայի պաշտպանության նախարար Յաշար Գյուլերը հարցազրույց է տվել ամերիկյան «Politico» մեդիա կազմակերպությանը:

Գյուլերը նախ հերքել է Հյուսիսատլանտյան դաշինքի (ՆԱՏՕ) և Թուրքիայի վերաբերյալ շրջանառվող այն լուրերը, որ ՆԱՏՕ-ի համար Թուրքիան անվստահելի է:

«Մենք կտրականապես հերքում ենք Թուրքիայի անվստահելի լինելու մասին խոսույթը. այդպիսի բան չկա: Չի կարելի կարծել, որ 32 դաշնակցի մի տեղում եղած մթնոլորտում յուրաքանչյուր հարցի շուրջ նույն տեսակետներն են լինելու:

Որոշ երկրներ փորձում են այդպիսի ընկալում ստեղծել: Թուրքիան մինչ օրս եղել է միակ երկիրը, որը կարողացել է պատերազմի (ռուս-ուկրաինական) երկու կողմերի միջև բարձր մակարդակի հանդիպումներ կազմակերպել: Մենք թույլ չենք տալու, որ Սև ծովը ռազմավարական պատերազմի դաշտի վերածվի»,-նշել է նա:

Բացի այդ, Գյուլերը խոսել է Իրաքի և Սիրիայի հյուսիսային սահմաններին իրականացվող ռազմագործողությունների մասին:

Նրա խոսքով՝ Թուրքիան մտադիր է անվտանգային միջանցք ստեղծել՝ այսպես կոչված ահաբեկիչներից պաշտպանվելու նպատակով:

«Մենք վճռական ենք Իրաքի և Սիրիայի հետ ունեցած մեր սահմանների երկայնքով 30-ից 40 կմ խորությամբ անվտանգային միջանցք ստեղծելու և տարածքը ահաբեկիչներից ամբողջությամբ մաքրելու հարցում:

Մենք շարունակելու ենք (ռազմագործողությունները - խմբ.) այնքան ժամանակ, քանի դեռ վերջին ահաբեկիչը չի վանասազերծվել»,-ընդգծել է Գյուլերը:

Աղբյուր` aa.com.tr

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը: