Թուրքիայում հերքում են Էրդողան-Ասադ հնարավոր հանդիպման մասին լուրը

Քաղաքական15:00, 23 Հուլիս 2024

Թուրքիայում հերքում են Էրդողան-Ասադ հնարավոր հանդիպման մասին լուրը

Տեղեկությունն այն մասին, որ Թուրքիայի նախագահ Ռեջեփ Թայիփ Էրդողանը Մոսկվայում հանդիպելու է Սիրիայի նախագահ Բաշար ալ-Ասադի հետ, չի համապատասխանում իրականությանը։ Այս մասին հայտնում է Թուրքիայի արտաքին գործերի նախարարությունը։

«Լուրը, թե մեր նախագահը Մոսկվայում հանդիպում կունենա Սիրիայի նախագահ հետ, չի արտացոլում իրականությունը», - նշել է Թուրքիայի արտգործնախարարության աղբյուրը։

Ավելի վաղ թուրքական «Daily Sabah» թերթը, հղում անելով իր աղբյուրին, հայտնել էր, որ Էրդողանն ու Ասադը կարող են օգոստոսին հանդիպել Մոսկվայում։ Ըստ թերթի զրուցակցի՝ միջնորդի դերում հանդես է եկել ՌԴ նախագահ Վլադիմիր Պուտինը։ Նշվել էր, որ հանդիպմանը կարող է հրավիրվել Իրաքի վարչապետը

Հիշեցնենք, որ Թուրքիան և Սիրիան խզել են դիվանագիտականհարաբերությունները 2012 թվականին: 2024-ի ամռանը և՛ Ասադը, և՛ Էրդողանը հայտարարեցին երկու երկրների միջև հարաբերությունները կարգավորելու պատրաստակամության մասին։

Աղբյուր` Rudaw.com.tr

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը: